Nazym Qaharman ómirbaiandyq kitap shyǵarmaq. Onda Bishimbaevtyń jeke ómirine qatysty tyń derekter bolýy múmkin, dep habarlaidy ult.kz.
Burynǵy ulttyq ekonomika ministri Qýandyq Bishimbaevtyń eks-jubaiy Nazym Qaharmannyń aitýynsha, týyndy qazir baspa qaraýynda jatyr. Kitaptyń tanystyrylymyn osy jyldyń kúzinde ótkizý josparlanǵan. Avtor eńbeginiń avtofikshn janrynda jazylǵanyn atap ótti. Iaǵni shyǵarma shynaiy oqiǵalarǵa negizdelgenimen, kórkem ádebiet elementteri de qoldanylǵan.
Nazym Qaharman kitapta burynǵy jubaiynyń kóińil jarastyrǵan áielderi jáne jeke ómirine qatysty jaittarǵa da toqtalatynyn aitty. Onyń sózinshe, atalǵan adamdardyń tek esimderi ǵana kórsetilip, ózge jeke derekteri jariialanbaidy.
Sondai-aq ol kitapta keltirilgen málimetterge bailanysty qandai da bir talap-aryzdar tússe, óz ustanymyn dáleldeýge daiyn ekenin jetkizdi. Aitýynsha, ózinde burynǵy kúieýine qatysty hat-habarlar men basqa da dálelder saqtalǵan.
