نازىم قاھارمان ٶمٸرباياندىق كٸتاپ شىعارماق. وندا بيشٸمباەۆتىڭ جەكە ٶمٸرٸنە قاتىستى تىڭ دەرەكتەر بولۋى مٷمكٸن, دەپ حابارلايدى ult.kz.
بۇرىنعى ۇلتتىق ەكونوميكا مينيسترٸ قۋاندىق بيشٸمباەۆتىڭ ەكس-جۇبايى نازىم قاھارماننىڭ ايتۋىنشا, تۋىندى قازٸر باسپا قاراۋىندا جاتىر. كٸتاپتىڭ تانىستىرىلىمىن وسى جىلدىڭ كٷزٸندە ٶتكٸزۋ جوسپارلانعان. اۆتور ەڭبەگٸنٸڭ اۆتوفيكشن جانرىندا جازىلعانىن اتاپ ٶتتٸ. ياعني شىعارما شىنايى وقيعالارعا نەگٸزدەلگەنٸمەن, كٶركەم ەدەبيەت ەلەمەنتتەرٸ دە قولدانىلعان.
نازىم قاھارمان كٸتاپتا بۇرىنعى جۇبايىنىڭ كٶٸڭٸل جاراستىرعان ەيەلدەرٸ جەنە جەكە ٶمٸرٸنە قاتىستى جايتتارعا دا توقتالاتىنىن ايتتى. ونىڭ سٶزٸنشە, اتالعان ادامداردىڭ تەك ەسٸمدەرٸ عانا كٶرسەتٸلٸپ, ٶزگە جەكە دەرەكتەرٸ جارييالانبايدى.
سونداي-اق ول كٸتاپتا كەلتٸرٸلگەن مەلٸمەتتەرگە بايلانىستى قانداي دا بٸر تالاپ-ارىزدار تٷسسە, ٶز ۇستانىمىن دەلەلدەۋگە دايىن ەكەنٸن جەتكٸزدٸ. ايتۋىنشا, ٶزٸندە بۇرىنعى كٷيەۋٸنە قاتىستى حات-حابارلار مەن باسقا دا دەلەلدەر ساقتالعان.
