Nazgúl Qarabalina Azamat Satybaldymen qalai tanysqany týraly aitty, dep habarlaidy ult.kz.
Muhtar Áýezov atyndaǵy Qazaq ulttyq drama teatrynyń aktrisasy ásirese balalaryna qatysty suraqtardyń orynsyz qoiylatynyn aitty. Onyń sózinshe, kei adamdar odan «Nege bir-aq bala súidińiz?» dep suraidy.
«Maǵan “Nege bir baladan artyq týmadyń?” dep suraityn adamdardy qalai atarymdy bilmeimin. Muny nadandyq pa, álde bilimsizdik pe deýge bolady. Qudaidyń bergenine qarsy kele almaimyz ǵoi. Bir ulymyz bar, soǵan shúkirshilik etemiz. Maǵan jaqyn adamdar mundai jeke suraq qoimaidy. Kerisinshe, alystaý tanystarym ómirimniń bárin bilgisi keledi», – dedi Nazgúl Qarabalina.
Aktrisa suhbat barysynda alǵashqy kúieýi Azamatqa stýdent kezinde ózi birinshi bolyp ǵashyq bolǵanyn da aitty. Onyń aitýynsha, ol kezde Azamattyń oǵan degen qyzyǵýshylyǵy bolmaǵan.
«Shynymdy aitsam, akademiiada oqyp júrgende Azamat meni onsha unatqan joq. Al alǵash ǵashyq bolǵan – men edim. Onyń nazaryn aýdaryp, meni baiqasa eken dep armandaitynmyn», – dedi óner iesi.
Nazgúl Qarabalina sol kezderi sezimin arnaiy albomǵa jazyp júrgenin eske aldy. Ol jazbalarynda Azamatpen shańyraq kóterip, onyń ata-anasyna qamqor bolýdy jáne toǵyz baýyrymen jaqsy qarym-qatynasta ómir súrýdi armandaǵan.
«Ýa, Alla! Eger Azamat maǵan nazar aýdaryp, biz otbasyn qursaq, onyń zeinetker ata-anasyna qamqor bolamyn. Toǵyz baýyrymen de jaqsy qarym-qatynasta bolamyn. Tek bizdi qosa gór», – dep tilegenin aitty aktrisa.
Keiin Azamat kezdeisoq osy jazbalardy oqyp qoiǵan. Nazgúl Qarabalinanyń sózinshe, osydan keiin onyń ózine degen kózqarasy ózgerýi múmkin.
«Bir kúni Azamat sol jazbalardy oqyp qoiypty. Sodan keiin oilanǵan shyǵar. Meniń sezimim shynaiy boldy. Al ol bastapqyda eseppen úilendi. Qazir, árine, jaqsy kóredi», – dep sózin qorytyndylady aktrisa.
