Nursultan Nazarbaevtyń áýleti taǵy bir tanymal áýletpen quda bolǵaly otyr. 21 jastaǵy Taýman Nazarbaev úilengeli jatyr. Onyń qalyńdyǵy – Indýstriia jáne infraqurylymdyq damý ministriniń burynǵy orynbasary Ádilbek Sársembaevtyń qyzy Aidana Sársembaeva, dep habarlaidy ult.kz.
Ulysmedia.kz bolashaq qudanyń kim ekenin anyqtap, onyń eńbek jolyna sholý jasaǵan.
Ádilbek Sársembaev 48 jasta. Ol qazirgi Astana aýmaǵynda, burynǵy Tselinogradta dúniege kelgen. Mamandyǵy boiynsha zańger, saiasi ǵylymdar kandidaty.
Sársembaev eńbek jolyn memlekettik qyzmetten bastaǵan. Ol elorda ákimdiginde jumys istep, 2006 jyly Prezident Ákimshiligine aýysqan. Munda bas inspektor qyzmetin atqarǵan.
Keiin Petropavl qalasy ákiminiń birinshi orynbasary bolyp, odan soń Soltústik Qazaqstan oblysy ákimi apparatynyń basshysy qyzmetine taǵaiyndaldy.
2010 jyly Sársembaev qorǵanys ónerkásibi salasyndaǵy «Qazaqstan injiniring» ulttyq kompaniiasyna jumysqa ornalasty. Birneshe jyl ishinde basqarýshy direktordan basqarma tóraǵasynyń orynbasaryna deiin kóterildi.
Keiin Astanaǵa oralyp, Tabiǵi resýrstar basqarmasyn basqardy. Sondai-aq tórt jyl boiy «Almaty» aýdanynyń ákimi qyzmetin atqardy.
2020 jyldyń mamyrynda ol buryn eńbek etken «Qazaqstan injiniring» kompaniiasyna qaita kelip, onyń basshysy bolyp taǵaiyndaldy.
Arada bir jyl ótken soń Sársembaev Indýstriia jáne infraqurylymdyq damý vitse-ministri qyzmetine kiristi. Úkimet quramynda 2022 jyldyń tamyzyna deiin jumys istedi.
Ádilbek Sársembaevtyń otbasy týraly ashyq aqparat kóp emes. Degenmen «Qazaqstan injiniringtiń» burynǵy qujattarynda onyń otbasy týraly keibir málimetter kezdesedi.
Qujattarda Sársembaevtyń jubaiy retinde 1980 jyly týǵan Áliia Imanbaeva kórsetilgen. Sol kezdegi málimet boiynsha, erli-zaiyptynyń úsh balasy bar: úlken uly Arnur, qyzy Aidana jáne kishi uly Aldiiar.
Aidana Sársembaeva 2004 jylǵy 24 jeltoqsanda dúniege kelgen. Qazir 21 jasta. Ol Nursultan Nazarbaevtyń nemeresi Taýmanmen qurdas.
Osylaisha, Nazarbaevtar áýletiniń bolashaq qudasy – burynǵy vitse-ministr Ádilbek Sársembaev, al Taýman Nazarbaevtyń qalyńdyǵy – onyń qyzy Aidana Sársembaeva.
