نۇرسۇلتان نازارباەۆتىڭ ەۋلەتٸ تاعى بٸر تانىمال ەۋلەتپەن قۇدا بولعالى وتىر. 21 جاستاعى تاۋمان نازارباەۆ ٷيلەنگەلٸ جاتىر. ونىڭ قالىڭدىعى – يندۋسترييا جەنە ينفراقۇرىلىمدىق دامۋ مينيسترٸنٸڭ بۇرىنعى ورىنباسارى ەدٸلبەك سەرسەمباەۆتىڭ قىزى ايدانا سەرسەمباەۆا, دەپ حابارلايدى ult.kz.
Ulysmedia.kz بولاشاق قۇدانىڭ كٸم ەكەنٸن انىقتاپ, ونىڭ ەڭبەك جولىنا شولۋ جاساعان.
ەدٸلبەك سەرسەمباەۆ 48 جاستا. ول قازٸرگٸ استانا اۋماعىندا, بۇرىنعى تسەلينوگرادتا دٷنيەگە كەلگەن. ماماندىعى بويىنشا زاڭگەر, ساياسي عىلىمدار كانديداتى.
سەرسەمباەۆ ەڭبەك جولىن مەملەكەتتٸك قىزمەتتەن باستاعان. ول ەلوردا ەكٸمدٸگٸندە جۇمىس ٸستەپ, 2006 جىلى پرەزيدەنت ەكٸمشٸلٸگٸنە اۋىسقان. مۇندا باس ينسپەكتور قىزمەتٸن اتقارعان.
كەيٸن پەتروپاۆل قالاسى ەكٸمٸنٸڭ بٸرٸنشٸ ورىنباسارى بولىپ, ودان سوڭ سولتٷستٸك قازاقستان وبلىسى ەكٸمٸ اپپاراتىنىڭ باسشىسى قىزمەتٸنە تاعايىندالدى.
2010 جىلى سەرسەمباەۆ قورعانىس ٶنەركەسٸبٸ سالاسىنداعى «قازاقستان ينجينيرينگ» ۇلتتىق كومپانيياسىنا جۇمىسقا ورنالاستى. بٸرنەشە جىل ٸشٸندە باسقارۋشى ديرەكتوردان باسقارما تٶراعاسىنىڭ ورىنباسارىنا دەيٸن كٶتەرٸلدٸ.
كەيٸن استاناعا ورالىپ, تابيعي رەسۋرستار باسقارماسىن باسقاردى. سونداي-اق تٶرت جىل بويى «الماتى» اۋدانىنىڭ ەكٸمٸ قىزمەتٸن اتقاردى.
2020 جىلدىڭ مامىرىندا ول بۇرىن ەڭبەك ەتكەن «قازاقستان ينجينيرينگ» كومپانيياسىنا قايتا كەلٸپ, ونىڭ باسشىسى بولىپ تاعايىندالدى.
ارادا بٸر جىل ٶتكەن سوڭ سەرسەمباەۆ يندۋسترييا جەنە ينفراقۇرىلىمدىق دامۋ ۆيتسە-مينيسترٸ قىزمەتٸنە كٸرٸستٸ. ٷكٸمەت قۇرامىندا 2022 جىلدىڭ تامىزىنا دەيٸن جۇمىس ٸستەدٸ.
ەدٸلبەك سەرسەمباەۆتىڭ وتباسى تۋرالى اشىق اقپارات كٶپ ەمەس. دەگەنمەن «قازاقستان ينجينيرينگتٸڭ» بۇرىنعى قۇجاتتارىندا ونىڭ وتباسى تۋرالى كەيبٸر مەلٸمەتتەر كەزدەسەدٸ.
قۇجاتتاردا سەرسەمباەۆتىڭ جۇبايى رەتٸندە 1980 جىلى تۋعان ەلييا يمانباەۆا كٶرسەتٸلگەن. سول كەزدەگٸ مەلٸمەت بويىنشا, ەرلٸ-زايىپتىنىڭ ٷش بالاسى بار: ٷلكەن ۇلى ارنۇر, قىزى ايدانا جەنە كٸشٸ ۇلى الدييار.
ايدانا سەرسەمباەۆا 2004 جىلعى 24 جەلتوقساندا دٷنيەگە كەلگەن. قازٸر 21 جاستا. ول نۇرسۇلتان نازارباەۆتىڭ نەمەرەسٸ تاۋمانمەن قۇرداس.
وسىلايشا, نازارباەۆتار ەۋلەتٸنٸڭ بولاشاق قۇداسى – بۇرىنعى ۆيتسە-مينيستر ەدٸلبەك سەرسەمباەۆ, ال تاۋمان نازارباەۆتىڭ قالىڭدىعى – ونىڭ قىزى ايدانا سەرسەمباەۆا.
