الماتى قالاسىنىڭ المالى اۋداندىق سوتىندا سانجار بوقاەۆقا قاتىستى قىلمىستىق ٸس بويىنشا سوت وتىرىسى جالعاسىپ جاتىر. بٷگٸن سوتتا «قازترانسگاز» اق 2015-2020 جىلدار ارالىعىندا باسقارعان رۋستام سٷلەيمانوۆ جاۋاپ بەردٸ. كومپانييانىڭ بۇرىنعى باسشىسى ٶز جاۋابىندا باس ديرەكتور كەڭەسشٸسٸ قىزمەتٸن اتقارعان بوقاەۆتىڭ ٶز بەتٸنشە ەرەكەت ەتكەنٸن جەنە بارلىق شەشٸمدٸ ٶزٸ قابىلداعانىن مەلٸمدەدٸ.
سٷلەيمانوۆتىڭ تٷسٸندٸرۋٸنشە, ول بوقاەۆتى بۇل قىزمەتكە ٶزٸ تاعايىنداماعان جەنە ونىڭ جۇمىسقا قابىلدانۋ مەن-جايلارىن ەسٸنە تٷسٸرە المادى. بوقاەۆ ٸس جٷزٸندە كومپانييا باسشىسىنىڭ كەڭەسشٸسٸ رەتٸندە جۇمىسقا 2015 جىلعى 30 قازان كٷنٸ كٸرٸسكەن. ول كەزدە «قازترانسگاز» اق قايرات شەرٸپباەۆ باسقارعانى بەلگٸلٸ. كەيٸن بوقاەۆ قوعاممەن بايلانىس دەپارتامەنتٸنٸڭ جۇمىسىن ٷيلەستٸرٸپ, دەربەس ەرەكەت ەتكەن ەرٸ جاڭا باسشىلىقتى ٶز جۇمىسىنىڭ جاي-جاپسارى تۋرالى حاباردار ەتپەگەن.
سٷلەيمانوۆتىڭ ايتۋىنشا, اۆتوشەرۋ ٶتكٸزۋ تۋرالى تاپسىرما «جوعارىدان» – باس كومپانييادان تٷسكەن. كورپوراتيۆتٸك بيۋدجەت بولماعاندىقتان, ٸس-شارانى قارجىلاندىرۋ كەسٸپوداققا جٷكتەلگەن. ال بارلىق جۇمىستى تولىعىمەن بوقاەۆ ٷيلەستٸرگەن.
رۋستام سٷلەيمانوۆ سوتقا اۆتوشەرۋدٸڭ قارجىلىق جەنە ۇيىمداستىرۋ جۇمىستارىنان حابارسىز بولعانىن ايتتى. ول كەلٸسٸمشارتتاردى كٶرمەگەن, شىعىندار سمەتاسىن تەكسەرمەگەن جەنە كەسٸپوداق كوميتەتٸ وتىرىستارىنىڭ حاتتامالارىن الماعان. باسشىلىق جۇمىستىڭ نەتيجەسٸن تەك ۇسىنىلعان سۋرەتتەر مەن بەينەماتەريالدار ارقىلى باعالاعان. سونىمەن قاتار بۇرىنعى باس ديرەكتور «WeCan» جشس ديرەكتورى جۇلدىز ارتىقباەۆانى دا, «BM Trust» جشس ديرەكتورى مادييار قالمەنوۆتٸ دە تانىمايتىنىن راستادى.
بوقاەۆتىڭ ٶز بەتٸنشە ەرەكەت ەتكەنٸ تۋرالى جايتتار بۇعان دەيٸن كەسٸپوداقتىڭ بۇرىنعى تٶرايىمى زەۋرەش ماحانوۆانىڭ سوتتا بەرگەن جاۋابىمەن دە راستالعان بولاتىن. ٶتكەن وتىرىستا ول جوباعا «BM Trust» جەنە «WeCan» كومپانييالارىن تارتۋدى سانجار بوقاەۆتىڭ ٶزٸ ۇسىنعانىن مەلٸمدەگەن. بۇل رەتتە باس فيگۋرانتتىڭ جيەنٸ مادييار قالمەنوۆ قول قويۋعا سومالارى الدىن الا تولتىرىلعان دايىن كەلٸسٸمشارتتاردى ەكەلٸپ وتىرعانى ايتىلدى. ال ورىندالعان جۇمىستاردى راستايتىن قۇجاتتاردى ماحانوۆا تٸكەلەي بوقاەۆتىڭ كابينەتٸنەن الىپ كەتٸپ جٷرگەن.
قىلمىستىق ٸس ماتەريالدارىنا سەيكەس, وسى سحەما ارقىلى ٸسكە قاتىسى بار تۇلعالار كەسٸپوداق قاراجاتىنان 42 ميلليون تەڭگەنٸ كەدەرگٸسٸز شىعارىپ العان.
