Májilistiń burynǵy depýtaty Bekbolat Tileýhan partiia ataýyna qatysty pikir bildirdi. Ol jýrnalist Aman Tasyǵanǵa bergen suhbatynda kezinde «Otan» partiiasynyń ataýyna «Nur» sóziniń qosylýyn synady, dep habarlaidy ult.kz.
Eks-depýtattyń aitýynsha, «Otan» ataýynyń ózi qasietti uǵym bolǵandyqtan, oǵan qosymsha sóz qosýdyń qajeti bolmaǵan.
«Otan» degen qasietti uǵym. Oǵan eshteńe qosýdyń qajeti joq. «Nur» sóziniń qosylýy Nursultan Nazarbaevtyń ainalasyndaǵy jaǵympazdardyń isi», – dedi Bekbolat Tileýhan.
Ol mundai jaǵympazdyq tek Qazaqstanǵa tán qubylys emes ekenin de atap ótti. Onyń sózinshe, kez kelgen memleket basshysynyń ainalasynda basshyǵa jaǵynýǵa tyrysatyn adamdar bolýy múmkin. Buǵan mysal retinde AQSh-tyń burynǵy prezidenti Donald Tramp pen Qytai basshysy Si Tszinpindi atady.
Tileýhannyń aitýynsha, onyń bul ustanymy sol kezdegi Prezident ákimshiliginiń basshysy Ádilbek Jaqsybekovke unamaǵan.
Alaida eks-depýtattyń sózinshe, Nursultan Nazarbaev onyń qarsylyǵyn mansapqa umtylýdan emes, óz ustanymynan týǵan pikir dep qabyldap, keshirimmen qaraǵan.
