مەجٸلٸستٸڭ بۇرىنعى دەپۋتاتى بەكبولات تٸلەۋحان پارتييا اتاۋىنا قاتىستى پٸكٸر بٸلدٸردٸ. ول جۋرناليست امان تاسىعانعا بەرگەن سۇحباتىندا كەزٸندە «وتان» پارتيياسىنىڭ اتاۋىنا «نۇر» سٶزٸنٸڭ قوسىلۋىن سىنادى, دەپ حابارلايدى ult.kz.
ەكس-دەپۋتاتتىڭ ايتۋىنشا, «وتان» اتاۋىنىڭ ٶزٸ قاسيەتتٸ ۇعىم بولعاندىقتان, وعان قوسىمشا سٶز قوسۋدىڭ قاجەتٸ بولماعان.
«وتان» دەگەن قاسيەتتٸ ۇعىم. وعان ەشتەڭە قوسۋدىڭ قاجەتٸ جوق. «نۇر» سٶزٸنٸڭ قوسىلۋى نۇرسۇلتان نازارباەۆتىڭ اينالاسىنداعى جاعىمپازداردىڭ ٸسٸ», – دەدٸ بەكبولات تٸلەۋحان.
ول مۇنداي جاعىمپازدىق تەك قازاقستانعا تەن قۇبىلىس ەمەس ەكەنٸن دە اتاپ ٶتتٸ. ونىڭ سٶزٸنشە, كەز كەلگەن مەملەكەت باسشىسىنىڭ اينالاسىندا باسشىعا جاعىنۋعا تىرىساتىن ادامدار بولۋى مٷمكٸن. بۇعان مىسال رەتٸندە اقش-تىڭ بۇرىنعى پرەزيدەنتٸ دونالد ترامپ پەن قىتاي باسشىسى سي تسزينپيندٸ اتادى.
تٸلەۋحاننىڭ ايتۋىنشا, ونىڭ بۇل ۇستانىمى سول كەزدەگٸ پرەزيدەنت ەكٸمشٸلٸگٸنٸڭ باسشىسى ەدٸلبەك جاقسىبەكوۆكە ۇناماعان.
الايدا ەكس-دەپۋتاتتىڭ سٶزٸنشە, نۇرسۇلتان نازارباەۆ ونىڭ قارسىلىعىن مانساپقا ۇمتىلۋدان ەمەس, ٶز ۇستانىمىنان تۋعان پٸكٸر دەپ قابىلداپ, كەشٸرٸممەن قاراعان.
