Nursultan Nazarbaev «Nur Otan» partiiasynyń respýblikalyq sailaýaldy shtabyna bardy, dep habarlaidy "Ult aqparat" elbasy.kz-ke silteme jasap.
Saǵat 00:00-de ekzit-pol nátijeleri baiandalǵan jańalyqtar shyǵarylymy qaraldy. Ekzit-pol qorytyndysyna sáikes «Nur Otan» partiiasy sailaýshylardyń 71,97 paiyz daýysyn jinady.
«Barshańyzdy «Nur Otan» partiiasynyń aiqyn jeńisimen quttyqtaimyn. Ekzit-poldyń aldyn ala nátijeleri qazaqstandyqtar elimizdiń ári qarai damýyn bizdiń partiiamyzben bailanystyratynyn kórsetti. Sailaýdyń el táýelsizdiginiń otyz jyldyǵymen tuspa-tus kelýiniń simvoldyq máni bar. Osy ýaqytta orasan zor jumys atqaryldy. Eń bastysy – jańa aýqymdy maqsattarǵa qol jetkizý úshin berik negiz qalandy», – dedi Elbasy.
«Nur Otan» partiiasynyń Tóraǵasy sailaýaldy úgit-nasihat naýqany men sailaý pandemiia jáne sonyń saldarynan týyndaǵan ekonomikalyq daǵdarys jaǵdaiynda ótkenin aitty.
«Álemde koronavirýs indetine shaldyqqandar sany artýda. Dúniejúzilik bank álemdik ekonomikanyń quldyraýy men jumyssyzdyq ósedi dep boljap otyr. Bul jaǵdaida birtutas saiasi kúshtiń ainalasyna toptasqan qoǵam ǵana jeńiske jetedi», – dedi Qazaqstannyń Tuńǵysh Prezidenti.
Nursultan Nazarbaev búgingi jetistik jumyla atqarylǵan jumys pen partiianyń árbir múshesiniń eseli eńbeginiń nátijesi ekenin atap ótti.
«Barshańyzǵa atqarylǵan jumys úshin rizashylyǵymdy bildiremin jáne tek jaqsylyq tileimin. Naýqan tiimdi ári nátijeli ótti. Partiia qatary jańardy. Halyq arasynda bedeli biik jańa kóshbasshylarymyz bar. Ár aýdannyń, qalanyń, oblystyń damýy úshin halyqtyq baǵdarlamalar ázirlendi», – dedi partiia Tóraǵasy.
Elbasy «Nur Otan» partiiasynyń sailaýaldy baǵdarlamasy Bes institýtsionaldyq reformanyń, sonyń ishinde Memleket basshysynyń halyqqa joldaýynda bergen tapsyrmalarynyń jalǵasy ekenin aitty.
«Nur Otan» partiiasynyń basty maqsaty – halyqtyń turmysyn jaqsartý jáne eldigimizdi nyǵaita berý. El bolyp birige bilsek, alynbaityn asý joq. Basymyzǵa túsken qiyndyqtardy biz árdaiym birge eńserip, jetistikterge birlese jetemiz. Barshańyzdy partiiamyzdyń búgingi jeńisimen quttyqtaimyn», – dedi Elbasy.
