Áleýmettik jelide NikoNett esimimen tanymal, jynysyn ózgertken bloger Instagram paraqshasynda aýylǵa barǵannan keiin bastan ótkergen áserimen bólisti, dep habarlaidy Ult.kz, Paryz.kz-ke silteme qaldyryp.
Blogerdiń aitýynsha, aýylǵa kelgennen keiin jergilikti turǵyndar arasynda túrli áńgime tarap, onyń týystary da jaǵymsyz pikirlerge tap bolǵan.
«Men aýylǵa kelgende búkil aýyl shýlap ketti. Namystary oianyp ketken siiaqty. Tátemdi mazaqtady. Qyzyq eken, basqa jaǵdailarda namystary uiyqtap qala beredi eken», - dep jazdy ol.
Sondai-aq NikoNett bolǵan jaǵdaidyń ózine aýyr tigenin aityp, qaitadan qalaǵa qaityp bara jatqanyn jetkizdi.
«Qaitadan qalaǵa bara jatyrmyn. Jylaǵym kelip tur. Sonsha adamdarǵa ne istep qoiǵanymdy bilmeimin. Tátem “qal” dedi, biraq men úshin oǵan sóz tigenin qalamaimyn», - dep jazdy bloger.
Jeli qoldanýshylary bul jazbaǵa túrli pikir bildirip, bir bóligi blogerge qoldaý kórsetse, endi biri onyń aýylǵa qatysty aitqan oiyna qatysty óz kózqarasyn jetkizdi.
