Qazaqstandyq sportshy álemdik reitingtegi eń úzdik nátijesine qol jetkizdi. Buǵan deiin mánerlep syrǵanaýshy úshinshi orynda turǵan bolatyn, dep habarlaidy ult.kz.
Qazaqstandyq mánerlep syrǵanaýshy Mihail Shaidorov Halyqaralyq konkimen júgirýshiler odaǵynyń (ISU) álemdik reitinginde ekinshi orynǵa kóterildi. ISU saitynda jariialanǵan reitingke sáikes, Olimpiada chempionynyń qorjynynda 4193 upai bar.
Bul – qazaqstandyq mánerlep syrǵanaýshynyń álemdik reitingtegi eń úzdik kórsetkishi.
Reitingtiń birinshi satysynda 4590 upaimen amerikalyq mánerlep syrǵanaýshy Ilia Malinin tur. Al Japoniia ókili Iýma Kagiiama úshinshi orynǵa syrǵydy. Ol Shaidorovtan 70 upaiǵa qalyp keledi.
Reitingte odan keiin taǵy bir japon sportshysy Shýn Sato 3949 upaimen tórtinshi orynda tur. Besinshi satyǵa 3660 upai jinaǵan frantsýz sportshysy Adam Siao Him Fa jaiǵasqan.
Buǵan deiin Mihail Shaidorov Bratislavada ótken ISU Challenger seriiasyndaǵy Memorial Ondrej Nepela halyqaralyq týrnirinde qola medal jeńip alǵan bolatyn. Bul qazaqstandyq mánerlep syrǵanaýshynyń Italiiadaǵy Olimpiadadaǵy jeńisinen keiingi alǵashqy halyqaralyq jarysy boldy.
