قازاقستاندىق سپورتشى ەلەمدٸك رەيتينگتەگٸ ەڭ ٷزدٸك نەتيجەسٸنە قول جەتكٸزدٸ. بۇعان دەيٸن مەنەرلەپ سىرعاناۋشى ٷشٸنشٸ ورىندا تۇرعان بولاتىن, دەپ حابارلايدى ult.kz.
قازاقستاندىق مەنەرلەپ سىرعاناۋشى ميحايل شايدوروۆ حالىقارالىق كونكيمەن جٷگٸرۋشٸلەر وداعىنىڭ (ISU) ەلەمدٸك رەيتينگٸندە ەكٸنشٸ ورىنعا كٶتەرٸلدٸ. ISU سايتىندا جارييالانعان رەيتينگكە سەيكەس, وليمپيادا چەمپيونىنىڭ قورجىنىندا 4193 ۇپاي بار.
بۇل – قازاقستاندىق مەنەرلەپ سىرعاناۋشىنىڭ ەلەمدٸك رەيتينگتەگٸ ەڭ ٷزدٸك كٶرسەتكٸشٸ.
رەيتينگتٸڭ بٸرٸنشٸ ساتىسىندا 4590 ۇپايمەن امەريكالىق مەنەرلەپ سىرعاناۋشى يليا مالينين تۇر. ال جاپونييا ٶكٸلٸ يۋما كاگيياما ٷشٸنشٸ ورىنعا سىرعىدى. ول شايدوروۆتان 70 ۇپايعا قالىپ كەلەدٸ.
رەيتينگتە ودان كەيٸن تاعى بٸر جاپون سپورتشىسى شۋن ساتو 3949 ۇپايمەن تٶرتٸنشٸ ورىندا تۇر. بەسٸنشٸ ساتىعا 3660 ۇپاي جيناعان فرانتسۋز سپورتشىسى ادام سياو حيم فا جايعاسقان.
بۇعان دەيٸن ميحايل شايدوروۆ براتيسلاۆادا ٶتكەن ISU Challenger سەريياسىنداعى Memorial Ondrej Nepela حالىقارالىق تۋرنيرٸندە قولا مەدال جەڭٸپ العان بولاتىن. بۇل قازاقستاندىق مەنەرلەپ سىرعاناۋشىنىڭ يتاليياداعى وليمپياداداعى جەڭٸسٸنەن كەيٸنگٸ العاشقى حالىقارالىق جارىسى بولدى.
