Minskide 1 qarashada bolǵan jappai tártipsizdik faktileri boiynsha qylmystyq is qozǵaldy, dep habarlaidy BELTA agenttigi.
«Tergeý deregi boiynsha, 1 qarashada astanada ruqsat etilmegen jappai is-shara ótip, qoǵamdyq tártipti óreskel buzǵan júzdegen azamat ustaldy. Olardyń áreketi bilik ókilderiniń talaptaryna baǵynǵysy kelmegenin kórsetti jáne saldarynan qoǵamdyq kólik pen uiymdardyń jumysy buzyldy. Sondai-aq qalanyń infraqurylymdyq nysandary men ishki ister qyzmetiniń kóligi búlindi», - dedi Tergeý komiteti músheleri.
Qylmystyq kodekstiń 342-baby 1-bóligi boiynsha qoǵamdyq tártipti óreskel buzatyn áreketti uiymdastyrý jáne oǵan belsendi qatysý faktisi boiynsha qylmystyq is qozǵaldy. Osy is boiynsha 231 adam kúdikti dep tanylyp, olardan jaýap alyndy.
Quqyqqa qaishy áreketke qatysy bar basqa da adamdardy anyqtaý maqsatynda tergeý jáne jedel-izdeý jumystary júrip jatyr.
«Tergeý komiteti azamattardan taǵy suraidy: jappai tártipsizdikti uiymdastyrýshylardyń úndeýine aldanbańyz, áreketińizdiń saldaryn oilańyz. Zańdy buzǵandar jaýapqa tartylady», - dep atap ótti mekemedegiler.
