مينسكٸدە 1 قاراشادا بولعان جاپپاي تەرتٸپسٸزدٸك فاكتٸلەرٸ بويىنشا قىلمىستىق ٸس قوزعالدى, دەپ حابارلايدى بەلتا اگەنتتٸگٸ.
«تەرگەۋ دەرەگٸ بويىنشا, 1 قاراشادا استانادا رۇقسات ەتٸلمەگەن جاپپاي ٸس-شارا ٶتٸپ, قوعامدىق تەرتٸپتٸ ٶرەسكەل بۇزعان جٷزدەگەن ازامات ۇستالدى. ولاردىڭ ەرەكەتٸ بيلٸك ٶكٸلدەرٸنٸڭ تالاپتارىنا باعىنعىسى كەلمەگەنٸن كٶرسەتتٸ جەنە سالدارىنان قوعامدىق كٶلٸك پەن ۇيىمداردىڭ جۇمىسى بۇزىلدى. سونداي-اق قالانىڭ ينفراقۇرىلىمدىق نىساندارى مەن ٸشكٸ ٸستەر قىزمەتٸنٸڭ كٶلٸگٸ بٷلٸندٸ», - دەدٸ تەرگەۋ كوميتەتٸ مٷشەلەرٸ.
قىلمىستىق كودەكستٸڭ 342-بابى 1-بٶلٸگٸ بويىنشا قوعامدىق تەرتٸپتٸ ٶرەسكەل بۇزاتىن ەرەكەتتٸ ۇيىمداستىرۋ جەنە وعان بەلسەندٸ قاتىسۋ فاكتٸسٸ بويىنشا قىلمىستىق ٸس قوزعالدى. وسى ٸس بويىنشا 231 ادام كٷدٸكتٸ دەپ تانىلىپ, ولاردان جاۋاپ الىندى.
قۇقىققا قايشى ەرەكەتكە قاتىسى بار باسقا دا ادامداردى انىقتاۋ ماقساتىندا تەرگەۋ جەنە جەدەل-ٸزدەۋ جۇمىستارى جٷرٸپ جاتىر.
«تەرگەۋ كوميتەتٸ ازاماتتاردان تاعى سۇرايدى: جاپپاي تەرتٸپسٸزدٸكتٸ ۇيىمداستىرۋشىلاردىڭ ٷندەۋٸنە الدانباڭىز, ەرەكەتٸڭٸزدٸڭ سالدارىن ويلاڭىز. زاڭدى بۇزعاندار جاۋاپقا تارتىلادى», - دەپ اتاپ ٶتتٸ مەكەمەدەگٸلەر.
