Memleket basshysy «Ulttyq ǵylymi meditsinalyq ortalyq» aktsionerlik qoǵamy basqarmasynyń tóraǵasy Abai Baigenjindi qabyldady, dep habarlaidy "Ult aqparat" Aqoradǵa silteme jasap.
Kezdesýde Abai Baigenjin Qazaqstan Prezidentine meditsinalyq ortalyq qyzmetiniń negizgi nátijeleri jóninde baiandady.
– 2003 jyldan beri kardiologiialyq aýrýlardan bolatyn adam óliminiń sany úsh eseden artyq qysqardy. Dei turǵanmen, elimizde onkologiialyq aýrýlarǵa qatysty ahýal kúrdeli bolyp tur, – dedi «Ulttyq ǵylymi meditsinalyq ortalyq» aktsionerlik qoǵamy basqarmasynyń tóraǵasy.
Sondai-aq, Nursultan Nazarbaevqa 2018 jylǵy maýsymda iske qosylýy josparlanyp otyrǵan jańa úlgidegi «Tomoterapiia» onkologiia ortalyǵynyń qurylysy jóninde málimdeldi.
Kezdesý sońynda Elbasy Qazaqstandaǵy onkologiialyq aýrýlardy emdeý isin odan ári jetildirý máselesi boiynsha birqatar naqty tapsyrma berdi.
.jpeg)