Pavlodar oblysynda tórt jyl buryn jasalǵan kisi ólimine qatysty qylmys ashyldy. Bul týraly Polisia.kz málimdedi, dep habarlaidy ult.kz.
Tergeý málimetinshe, 2022 jyldyń qyrkúieginde Sharbaqty aýylyndaǵy jeke úilerdiń birinen jergilikti turǵynnyń máiiti tabylǵan. Marqumnyń denesinen zorlyq-zombylyq belgileri anyqtalǵanymen, sol kezde kúdiktini anyqtaý múmkin bolmaǵan.
Alaida 2026 jyly politsiia qyzmetkerleri qosymsha jedel-izdestirý sharalaryn júrgizip, marqumnyń bailanys ortasyn qaita tekserý barysynda qylmysqa qatysy bar adamdy anyqtady. Ol qaitys bolǵan azamattyń tanysy bolyp shyqqan.
Tergeý barysynda oqiǵa kúni eki er adamnyń birge spirttik ishimdik ishkeni belgili boldy. Keiin aralarynda janjal týyndap, kúdikti jábirlenýshige aýyr dene jaraqattaryn salǵan. Saldarynan er adam kóz jumǵan.
Jinalǵan dálelder negizinde kúdikti ustalyp, ýaqytsha ustaý izoliatoryna qamaldy. Keiin sot ony kináli dep tanyp, segiz jylǵa bas bostandyǵynan aiyrdy.
IIM málimetinshe, Pavlodar oblysynda júrgizilgen jedel-izdestirý sharalary nátijesinde densaýlyqqa qasaqana aýyr ziian keltirýdiń 17 deregi ashylǵan. Onyń tórteýi adam ólimimen bailanysty qylmystar.
