پاۆلودار وبلىسىندا تٶرت جىل بۇرىن جاسالعان كٸسٸ ٶلٸمٸنە قاتىستى قىلمىس اشىلدى. بۇل تۋرالى Polisia.kz مەلٸمدەدٸ, دەپ حابارلايدى ult.kz.
تەرگەۋ مەلٸمەتٸنشە, 2022 جىلدىڭ قىركٷيەگٸندە شارباقتى اۋىلىنداعى جەكە ٷيلەردٸڭ بٸرٸنەن جەرگٸلٸكتٸ تۇرعىننىڭ مەيٸتٸ تابىلعان. مارقۇمنىڭ دەنەسٸنەن زورلىق-زومبىلىق بەلگٸلەرٸ انىقتالعانىمەن, سول كەزدە كٷدٸكتٸنٸ انىقتاۋ مٷمكٸن بولماعان.
الايدا 2026 جىلى پوليتسييا قىزمەتكەرلەرٸ قوسىمشا جەدەل-ٸزدەستٸرۋ شارالارىن جٷرگٸزٸپ, مارقۇمنىڭ بايلانىس ورتاسىن قايتا تەكسەرۋ بارىسىندا قىلمىسقا قاتىسى بار ادامدى انىقتادى. ول قايتىس بولعان ازاماتتىڭ تانىسى بولىپ شىققان.
تەرگەۋ بارىسىندا وقيعا كٷنٸ ەكٸ ەر ادامنىڭ بٸرگە سپيرتتٸك ٸشٸمدٸك ٸشكەنٸ بەلگٸلٸ بولدى. كەيٸن ارالارىندا جانجال تۋىنداپ, كٷدٸكتٸ جەبٸرلەنۋشٸگە اۋىر دەنە جاراقاتتارىن سالعان. سالدارىنان ەر ادام كٶز جۇمعان.
جينالعان دەلەلدەر نەگٸزٸندە كٷدٸكتٸ ۇستالىپ, ۋاقىتشا ۇستاۋ يزولياتورىنا قامالدى. كەيٸن سوت ونى كٸنەلٸ دەپ تانىپ, سەگٸز جىلعا باس بوستاندىعىنان ايىردى.
ٸٸم مەلٸمەتٸنشە, پاۆلودار وبلىسىندا جٷرگٸزٸلگەن جەدەل-ٸزدەستٸرۋ شارالارى نەتيجەسٸندە دەنساۋلىققا قاساقانا اۋىر زييان كەلتٸرۋدٸڭ 17 دەرەگٸ اشىلعان. ونىڭ تٶرتەۋٸ ادام ٶلٸمٸمەن بايلانىستى قىلمىستار.
