Jan Ahmadiev pen onyń toby Merkide kóz jumǵan kelinshektiń úiine bardy, dep habarlaidy ult.kz.
Biraq olardyń aldynan Madina Rashidqyzynyń eks-enesi shyǵyp, úige kirmeýin talap etti. Sonymen qatar, nemeresin de kórsetpeitinin basa aitty.
Onyń sózinshe, tergeý ruqsat berse ǵana nemeresin kórsetedi eken.
Madina Rashidqyzynyń anasy jylap qaldy.
Aita keteiik, Jambyl oblysynyń Merki aýdanynda 19 jastaǵy Madina Rashidqyzy qaitys boldy. Onyń ólimine qatysty politsiia «ózin-ózi óltirýge deiin jetkizý» baby boiynsha sotqa deiingi tergeý bastaǵan. Marqumnyń artynda sábii qalǵan.
Málimet boiynsha, Madina Ózbekstan azamaty bolǵan. Ol Qazaqstan azamaty Madiiar Aitmyrzamen shamamen eki jyl nekede turǵan. Qaiǵyly jaǵdai Merki aýdanyndaǵy Qyzyl qystaq aýylynda bolǵan.
Marqumnyń qurbysy Zeinep Mýsahojanovanyń aitýynsha, Madina qaitys bolardan buryn kúieýimen janjaldasqanyn aityp, odan ketkisi keletinin jetkizgen. Qurbysynyń sózinshe, sońǵy janjal balaǵa alynǵan «Barni» táttisine bailanysty bolǵan. Sondai-aq ol Madinanyń buǵan deiin de otbasyndaǵy jaǵdaiǵa bailanysty shaǵym aitqanyn málimdegen.
Oqiǵadan keiin Madinanyń týystary onyń ólimine kúmán keltirip, denesinde kógergen jáne jaraqat izderin baiqaǵanyn aitqan. Týystary osyǵan bailanysty isti adam óltirý nusqasy boiynsha jan-jaqty tekserýdi suraǵan. Alaida atalǵan jaraqattar týraly málimetter sot-meditsinalyq saraptamanyń resmi qorytyndysy retinde jariialanǵan joq.
Qazir Madinanyń ólimi boiynsha tergeý jalǵasyp jatyr. Quzyrly organdar qaiǵyly oqiǵanyń naqty sebepteri men barlyq mán-jaiyn anyqtaýy tiis.
