Foto: Pinterest
Ult.kz-te jihankez jýrnalist Dinara Bolattyń ózge paiymy.
Qys keldi. Soltústikte ornalasqan Skandinaviia, Kanada, Resei sekildi bizdiń halyqtyń kóp bóliginde de kúzdiń sońy men qystyń basynda bastalyp, kóktemge deiin sozylatyn maýsymdyq nemese qysqy depressiiaǵa ushyraý qaýpi bar. Bul kúizelistiń Seasonal Affective Disorder dep atalatyn ǵylymi ataýy bar.
Kún kózi álsirep, iaǵni aǵzada melatonin azaiyp, biologiialyq saǵat, táýliktegi jaryq ýaqyty qysqarýyna bailanysty adamda psihikalyq ózgerister bastalýy múmkin. Ádette qysqy depressiia kezinde adamnyń kóńil kúii túsip, aǵza jii demalǵysy kep, ádettegi belsendiligi tómendep, sharshaý sezimi beleń alady. Kóp adamnyń kóktem, jaz kezindegi ómirsúigishtigi, qyzyǵýshylyqtary báseńsip, boiyn aýyr sezimder bilei bastaidy.
"Ár syrqattyń óz emi bar" demekshi, niet bolsa bul jaǵdaidyń da aldyn alýǵa bolady.
Dárýmenderdi tolyqtyrý
Aldymen S jáne D dárýmenimen qysqa qamdanǵan abzal. Dál osy dárýmender qys kezinde jetkiliksiz bolyp, immýnitet álsireidi, kóńil kúi túsedi.
Kún sáýlesine shyǵý
Iá, qys kezinde kún kózi az. Degenmen kún shyqsyn, shyqpasyn kún saiyn taza aýada syrtta 30-60 minýt serýendegen abzal.
Foto: Pinterest
Ainalańa zer salý, sulýlyq kórý
Jyly, yńǵaily kiinip, qar jaýǵanyn baqylaý. Aǵashqa qonǵan shyqtardyń sulýlyǵyna súisiný. Aýla, kóshedegi qarapaiym qysqy tirlikti tamashalaý janǵa jailylyq syilaidy.
Jeke nemese otbasymen jaily ýaqyt ótkizý
Úide bir ózińizge nemes otbasy múshelerimen qysqy sýsyndar daiyndap, birge táttiler pisirýge bolady. Qysta kishkentai balalarǵa kakao, ózińizge zimbir, koritsa, apelsin qosylǵan shai demdeýge de taptyrmas ýaqyt.
Jyly jamylǵy men denege jaǵymdy jyly pijama, shulyq kiip, pisirgen táttilerdi ortaǵa alyp, jaily filmder kórgen ádemi áser beredi.
Paiym
Osylaisha sýyq qysty da jyly etý múmkin. Syrtta kúnniń sýyq bolýy kerisinshe adamdar ózara birigýi, eshqaida asyqpai baiaýlaýy men júrekterdiń jylynýyna jaǵdai jasaityndai. Iá, qys mezgili jyl saiyn qaitalanatyn kezeń. Alaida eshqandai maýsym dál sol kúiimen qaitalanbaidy. Sol sebepti osy jyldyń qysyn ózimiz kórkemdep, ádemi estelikter jinaýǵa asyǵaiyq.
.jpg)
