AQSh pen Qytai arasyndaǵy ekonomikalyq teketires kedeishilikti órshitip, jumyssyzdyqtyń artýyna sebep bolady. Bul týraly búgin elordada ótip jatqan Astana klýbynyń jalpy otyrysynda QR Prezidenti Nursultan Nazarbaev aitty, dep habarlaidy "Ult aqparat".
«Álemdegi qarama-qaishylyqtardyń kúsheiýi ǵalamdyq qaýipsizdikti damytý institýttarynyń tiimdiliginde suraq týdyrady. Búgingi kúnniń mańyzdy trendi - ekinshi dúniejúzilik soǵystan keiingi strategiialyq turaqtylyqtyń negizderin buzý. Álemdik derjavalar qarýlanýǵa kóshýi múmkin. Meniń oiymsha, adamzat balalarynyń bolashaǵy men qazirgi kezeńge alańdap otyr», - dedi Nursultan Nazarbaev.
Elbasynyń aitýynsha, qazir álemde ekonomikalyq qarama-qaishylyqtar kópshilik ashyq túrde «saýda soǵystary» dep atap ketken fazaǵa deiin ýshyqty.
«Solardyń biri AQSh pen Qytai arasynda oryn alyp otyr. Olarǵa búkil ekonomikanyń úshten biri, ǵalamdyq eksporttyń 20 paiyzy jáne tikelei investitsiialardyń úshten birinen astamy tiesili. Bul jalpy álem ekonomikasy ósiminiń tómendeýine ákeledi. Osynyń saldarynan ásirese damýshy elderde jaǵdai nasharlaidy. Kedeilik tereńdep, jumyssyzdyq kóbeie beredi. Bunyń barlyǵy terrorizm, kóshi-qon men separatizmniń damýyna utymdy jaǵdai jasaidy. Aýǵanstanda da solai bastalǵan. Sońǵy kezde bizde bar esirtki qylmystary, terrorizm men ekstremizm - sol elde (Aýǵanstan-avt.) 1979 jyldan beri bolyp jatqan soǵystyń nátijesi», - dedi Nursultan Nazarbaev.
Aita keteiik, Elbasy jiyn barysynda Úlken Eýraziianyń sulbasy qalyptasyp kele jatqanyn aityp, Resei, AQSh jáne Qytai arasyndaǵy geosaiasi básekelestikke alańdaýshylyq tanytty.
Sonymen qatar Nursultan Nazarbaev álemdik derjavalar qarýlaný jarysyna qaita oralýy múmkin ekendigin eskertti.
