اقش پەن قىتاي اراسىنداعى ەكونوميكالىق تەكەتٸرەس كەدەيشٸلٸكتٸ ٶرشٸتٸپ, جۇمىسسىزدىقتىڭ ارتۋىنا سەبەپ بولادى. بۇل تۋرالى بٷگٸن ەلوردادا ٶتٸپ جاتقان استانا كلۋبىنىڭ جالپى وتىرىسىندا قر پرەزيدەنتٸ نۇرسۇلتان نازارباەۆ ايتتى, دەپ حابارلايدى "ۇلت اقپارات".
«ەلەمدەگٸ قاراما-قايشىلىقتاردىڭ كٷشەيۋٸ عالامدىق قاۋٸپسٸزدٸكتٸ دامىتۋ ينستيتۋتتارىنىڭ تيٸمدٸلٸگٸندە سۇراق تۋدىرادى. بٷگٸنگٸ كٷننٸڭ ماڭىزدى ترەندٸ - ەكٸنشٸ دٷنيەجٷزٸلٸك سوعىستان كەيٸنگٸ ستراتەگييالىق تۇراقتىلىقتىڭ نەگٸزدەرٸن بۇزۋ. ەلەمدٸك دەرجاۆالار قارۋلانۋعا كٶشۋٸ مٷمكٸن. مەنٸڭ ويىمشا, ادامزات بالالارىنىڭ بولاشاعى مەن قازٸرگٸ كەزەڭگە الاڭداپ وتىر», - دەدٸ نۇرسۇلتان نازارباەۆ.
ەلباسىنىڭ ايتۋىنشا, قازٸر ەلەمدە ەكونوميكالىق قاراما-قايشىلىقتار كٶپشٸلٸك اشىق تٷردە «ساۋدا سوعىستارى» دەپ اتاپ كەتكەن فازاعا دەيٸن ۋشىقتى.
«سولاردىڭ بٸرٸ اقش پەن قىتاي اراسىندا ورىن الىپ وتىر. ولارعا بٷكٸل ەكونوميكانىڭ ٷشتەن بٸرٸ, عالامدىق ەكسپورتتىڭ 20 پايىزى جەنە تٸكەلەي ينۆەستيتسييالاردىڭ ٷشتەن بٸرٸنەن استامى تيەسٸلٸ. بۇل جالپى ەلەم ەكونوميكاسى ٶسٸمٸنٸڭ تٶمەندەۋٸنە ەكەلەدٸ. وسىنىڭ سالدارىنان ەسٸرەسە دامۋشى ەلدەردە جاعداي ناشارلايدى. كەدەيلٸك تەرەڭدەپ, جۇمىسسىزدىق كٶبەيە بەرەدٸ. بۇنىڭ بارلىعى تەرروريزم, كٶشٸ-قون مەن سەپاراتيزمنٸڭ دامۋىنا ۇتىمدى جاعداي جاسايدى. اۋعانستاندا دا سولاي باستالعان. سوڭعى كەزدە بٸزدە بار ەسٸرتكٸ قىلمىستارى, تەرروريزم مەن ەكسترەميزم - سول ەلدە (اۋعانستان-اۆت.) 1979 جىلدان بەرٸ بولىپ جاتقان سوعىستىڭ نەتيجەسٸ», - دەدٸ نۇرسۇلتان نازارباەۆ.
ايتا كەتەيٸك, ەلباسى جيىن بارىسىندا ٷلكەن ەۋرازييانىڭ سۇلباسى قالىپتاسىپ كەلە جاتقانىن ايتىپ, رەسەي, اقش جەنە قىتاي اراسىنداعى گەوساياسي بەسەكەلەستٸككە الاڭداۋشىلىق تانىتتى.
سونىمەن قاتار نۇرسۇلتان نازارباەۆ ەلەمدٸك دەرجاۆالار قارۋلانۋ جارىسىنا قايتا ورالۋى مٷمكٸن ەكەندٸگٸن ەسكەرتتٸ.
