QR Ishki ister ministriniń orynbasary Aleksei Kalaichidi Qordaidaǵy oqiǵa boiynsha 10 adamnyń kóz jumǵanyn aitty, dep habarlaidy "Ult aqparat".
«10 adam kóz jumdy. 39 adam aýrýhanada jatyr. Sonymen birege zardap shekkenderdiń ishinde bes politsei bar. Úsheýi qarýdan jaralanǵan. Alaida politsiia qyzmetkerleri eshqandai qarýdyń qoldanbaǵanyn aitqym keledi», - dedi Aleksei Kalaichidi OKQ-da ótken baspasóz máslihatynda.
Aita ketsek, keshegi OKQ-da ótken baspasóz máslihatynda Ishki ister ministri Erlan Turǵymbaev Qordaidaǵy oqiǵa saldarynan 8 adamnyń qaitys bolǵanyn málim etken edi.
Eske salaiyq, 7 aqpanda Qordai aýdanyndaǵy Masanchi aýylynda jappai tóbeles bolǵan.
QR Prezidenti Qasym-Jomart Toqaev osyǵan qatysty pikir bildirdi.
«Qoǵamdyq tártipti buzǵandar jaýapkershilikke tartylady», dep jazdy Memleket basshysy Twitter paraqshasynda.
Al senbi, 8 aqpanda Memleket basshysy Jambyl oblysyndaǵy oqiǵaǵa bailanysty málimdeme jasady. Memleket basshysynyń tapsyrmasymen Qordai aýdanyndaǵy oqiǵa saldaryn joiý jónindegi Úkimet komissiiasy quryldy.
Ishki ister ministri Erlan Turǵymbaev pen Aqparat jáne qoǵamdyq damý ministri Dáýren Abaev Qordai aýdanyndaǵy janjalǵa qatysty OKQ-da baspasóz máslihatyn ótkizdi. «8 adam kóz jumdy. 40-tan astam adam jaraqat aldy», - dedi Ishki ister ministri.
