قر ٸشكٸ ٸستەر مينيسترٸنٸڭ ورىنباسارى الەكسەي كالايچيدي قوردايداعى وقيعا بويىنشا 10 ادامنىڭ كٶز جۇمعانىن ايتتى, دەپ حابارلايدى "ۇلت اقپارات".
«10 ادام كٶز جۇمدى. 39 ادام اۋرۋحانادا جاتىر. سونىمەن بٸرەگە زارداپ شەككەندەردٸڭ ٸشٸندە بەس پوليتسەي بار. ٷشەۋٸ قارۋدان جارالانعان. الايدا پوليتسييا قىزمەتكەرلەرٸ ەشقانداي قارۋدىڭ قولدانباعانىن ايتقىم كەلەدٸ», - دەدٸ الەكسەي كالايچيدي وكق-دا ٶتكەن باسپاسٶز مەسليحاتىندا.
ايتا كەتسەك, كەشەگٸ وكق-دا ٶتكەن باسپاسٶز مەسليحاتىندا ٸشكٸ ٸستەر مينيسترٸ ەرلان تۇرعىمباەۆ قوردايداعى وقيعا سالدارىنان 8 ادامنىڭ قايتىس بولعانىن مەلٸم ەتكەن ەدٸ.
ەسكە سالايىق, 7 اقپاندا قورداي اۋدانىنداعى ماسانچي اۋىلىندا جاپپاي تٶبەلەس بولعان.
قر پرەزيدەنتٸ قاسىم-جومارت توقاەۆ وسىعان قاتىستى پٸكٸر بٸلدٸردٸ.
«قوعامدىق تەرتٸپتٸ بۇزعاندار جاۋاپكەرشٸلٸككە تارتىلادى», دەپ جازدى مەملەكەت باسشىسى Twitter پاراقشاسىندا.
ال سەنبٸ, 8 اقپاندا مەملەكەت باسشىسى جامبىل وبلىسىنداعى وقيعاعا بايلانىستى مەلٸمدەمە جاسادى. مەملەكەت باسشىسىنىڭ تاپسىرماسىمەن قورداي اۋدانىنداعى وقيعا سالدارىن جويۋ جٶنٸندەگٸ ٷكٸمەت كوميسسيياسى قۇرىلدى.
ٸشكٸ ٸستەر مينيسترٸ ەرلان تۇرعىمباەۆ پەن اقپارات جەنە قوعامدىق دامۋ مينيسترٸ دەۋرەن اباەۆ قورداي اۋدانىنداعى جانجالعا قاتىستى وكق-دا باسپاسٶز مەسليحاتىن ٶتكٸزدٸ. «8 ادام كٶز جۇمدى. 40-تان استام ادام جاراقات الدى», - دەدٸ ٸشكٸ ٸستەر مينيسترٸ.
