Halyq Bank-tiń basshysy Úmit Bolathanqyzy bankomattar men klientterdiń shottary boiynsha oryn alǵan jaǵdaiǵa túsinikteme berdi, dep habarlaidy Vaq.kz aqparat agenttigi.
Úmit Bolathanqyzy, qazir qos bank óte qiyn sátterdi bastan keship jatyr. Osyǵan orai qazirgi bankte oryn alyp jatqan jaǵdailarǵa bailanysty pikir bildirseńiz. Klientterdiń basym kópshiligi aqsha qarajatyn qolma-qol sheshe almaǵandyqtan jáne tólemderdi aýdarý múmkindigi shektelgendikten alańdai bastady. Bul nendei jaǵdaiǵa bailanysty jáne bul másele qashan joiylady?
Iá, rasynda qarqyndy túrde jumys istep jatyrmyz. Degenmen, alańdaýǵa esh sebep joq. Qos bank birikti, barlyǵy oidaǵydai. Iia, degenmen ártúrli tehnikalyq máseleler áli de bar, eń bastysy bankte aqsha bar jáne klienttik baza saqtaldy. Kartochkalar boiynsha keibir operatsiialar bir táýlikke toqtatyldy, bul kezeń-kezeńimen qyzmet kórsetiletin kóptegen operatsiialarǵa bailanysty. Bir millionnan astam operatsiia bar. Bul qyzmet túrlerin qaita óńdeý úshin ýaqytty talap etedi. Negizinen bul keńsege kelgen zańdy tulǵalar, shaǵyn jáne orta kompaniialardyń máseleleri. Al eger siz jeke tulǵa retinde tirkelgen klient bolsańyz onda esh qiyndyqsyz qalaǵan kólemdegi aqsha qarajatyn sheshe alasyz. Aqsha bar, bankomattardyń barlyǵy qalypty jumys istep tur. Biz bárin muqiiat baqylap otyrmyz, bankomattar qyzmet kórsetýge daiyn. Eger zańdy tulǵalardyń korporativtik kartalary bolsa, onda olar da esh qiyndyqsyz bankomattan aqsha ala alady. Is júzinde, jumys protsesterinde problemalar bar, biraq men barlyq klientterdiń aqshasy saqtalǵanyn, eshkim bir tiynda joǵaltpaitynyn senimdi túrde aita alamyn. Bólimshelerde kezek kútken klientter bar jáne bul máseleniń aldyn alý jumystary júrgizilýde.
Úmit Bolathanqyzy, biraq áli kúnge deiin onlain-operatsiialar týraly kóptegen shaǵymdar bar, bul da alańdaýshylyq týdyrady. Olar qashan sheshiledi?
Iia, bul ýaqytsha ǵana. Negizinen zańdy tulǵalarǵa arnalǵan onlain-bankingte sátsizdikter boldy, biraq biz bul máseleniń sheshimin taptyq, tólemderdi júrgizýdegi másele de joiyldy. Bank qyzmetteri boiynsha keibir aýytqýlar bolýy múmkin, onyń ózi eń kóp degende 2-3 kúnge ǵana sozylady. Oryn alǵan aýytqýlar aidyń aiaǵy bolǵandyqtan ǵana sezildi. Nege deseńiz, zańdy tulǵalarǵa jalaqy aýdarýǵa bailanysty. Qolma-qol aqshamen jumys isteitin kishigirim kompaniialar bar, olar aqshany tóleý úshin onlain-bankingsiz qolma-qol aqshamen ǵana aqsha alady jáne tolyqtyrady, sol sebepti kóptegen júrgizilgen operatsiialar belgili bir júkteme bolyp júie aýytqi bastaidy. Men klientterdiń barlyǵyn túsinemin, olarmen bank bólimshesine baryp júzdestim, olardyń nege shaǵymdanatynyn da bilemin, túsinemin, biraq jaǵdaidy ýshyqtyrmaýlaryn ótinip suraimyn, oryn alǵan máseleniń bári sheshiledi.
Qandai jaqsy jańalyqtaryńyz bar? Banktiń kelesi qadamy qandai?
Jalpy alǵanda, jaǵdai baqylaýda, biz bárin kórip otyrmyz, túsinemiz, bank qalypty jumys isteitin bolady. Aldaǵy ýaqytta bizdiń klientterge tolassyz múmkindikter usynylady, óitkeni biz birikken eń úlken, eń turaqty bankpyz. Birigý aiaqtalǵannan keiin eki banktiń komissiialaryn salystyramyz jáne klientterdiń paidasyna qarai tómen komissiialardy tańdaimyz. Iaǵni klientter komissiialyq shyǵyndar men tarifterdiń baǵasynan paida kóredi. Onymen qosa, Halyq bank ShOB úshin jaqsy baǵdarlamalar ázirledi. Biz árdaiym klienterimizge kreditti resimdeýdi usynyp keldik jáne qazirgi ýaqytta usynýdamyz jáne usynatyn da bolamyz. ShOB jáne ipoteka boiynsha Halyq bankte jyldyq syiaqy mólsherlemesi árdaiym tómen bolyp keldi. Qos banktiń birigýi iri klientter úshin úlken múmkindik desek bolady. Qazkom jaily osy ýaqytqa deiin ne aitsa da, qos bank birikken kúnniń ózinde joǵary reitingti saqtap qaldyq. Sondyqtan, árine, oń dinamikany kútemiz. Qazir naqty aita alatynym Qazkomnyń klientteri Halyq bankpen birikkennen keiin úlken múmkindikterge ie bola alatynyna senimdimin.
