Natasha Qalymbetova Qasqajol YouTube arnasyna alǵash ret kólemdi suhbat berdi, dep habarlaidy ult.kz MadeniPortal.kz saityna siltep.
Ol suhbat barysynda basynan ótken qorqynyshty kúnder týraly aitty. Ol osydan 2 ai buryn áleýmettik jelige basynan ótken oqiǵany baiandaǵan. Video áleýmettik jelide keń taralyp, 1 kúnge jetpei million qaralym jiǵan. Sol kúni keshke Astana qalasynan IIM adamdary habarlasyp, is qozǵalǵanyn, elge oralý keregin aitady.
«Júregi bar, jany bar, qazaqpyn, namysym bar, ermin degen adam mundai áreketke barmaidy. Bul janýarlardyń isi. Men ózimdi emes, qyzymdy aiap jylaimyn. Kishkentai sábi jeksuryndardyń kesirinen ómirge keldi», - deidi kelinshek.
Natasha Qalymbetova qyzyn balalar úiine tapsyrǵanyn aitty. Biraq balalar úiinde balalarǵa qalai qaraityny esine tússe júregi aýyratynyn jetkizdi.
«Meniń qyzym 31-de. Meni keshire me, keshirmei me, bilmeimin. Biraq oǵan aitqym keletini, bul jaǵdai ekeýmizdiń kinámiz emes.
Aita keteiik, bul oqiǵa 1994 jyly bolǵan. Sol kezde 17 jasta bolǵan Natasha Qalymbetova týǵan aýylynda bolǵan zorlyqtan keiin ómiriniń kúrt ózgergenin aitady. Oqiǵadan keiin ol júkti ekenin bilip, Oral qalasyna qonys aýdarady. Onda pedkolledjge oqýǵa túsedi. Alaida oqý orny tarapynan da, ainalasyndaǵy adamdardan da tolyqqandy qoldaý kórmegen.
Keiin ol deni saý qyz bala dúniege ákeledi. Bosanǵannan keiin oǵan baladan bas tartýǵa qatysty qujat usynylǵany aitylady. Biraq birneshe kún boiy sábiimen birge bolǵan ana oǵan qatty baýyr basyp qalǵan. Áieldiń aitýynsha, ol keiin úsh jyl boiy náresteler úiine baryp, qyzyn Anjelika esimimen kórip júrgen.
