ناتاشا قالىمبەتوۆا Qasqajol YouTube ارناسىنا العاش رەت كٶلەمدٸ سۇحبات بەردٸ, دەپ حابارلايدى ult.kz MadeniPortal.kz سايتىنا سٸلتەپ.
ول سۇحبات بارىسىندا باسىنان ٶتكەن قورقىنىشتى كٷندەر تۋرالى ايتتى. ول وسىدان 2 اي بۇرىن ەلەۋمەتتٸك جەلٸگە باسىنان ٶتكەن وقيعانى بايانداعان. ۆيدەو ەلەۋمەتتٸك جەلٸدە كەڭ تارالىپ, 1 كٷنگە جەتپەي ميلليون قارالىم جيعان. سول كٷنٸ كەشكە استانا قالاسىنان ٸٸم ادامدارى حابارلاسىپ, ٸس قوزعالعانىن, ەلگە ورالۋ كەرەگٸن ايتادى.
«جٷرەگٸ بار, جانى بار, قازاقپىن, نامىسىم بار, ەرمٸن دەگەن ادام مۇنداي ەرەكەتكە بارمايدى. بۇل جانۋارلاردىڭ ٸسٸ. مەن ٶزٸمدٸ ەمەس, قىزىمدى اياپ جىلايمىن. كٸشكەنتاي سەبي جەكسۇرىنداردىڭ كەسٸرٸنەن ٶمٸرگە كەلدٸ», - دەيدٸ كەلٸنشەك.
ناتاشا قالىمبەتوۆا قىزىن بالالار ٷيٸنە تاپسىرعانىن ايتتى. بٸراق بالالار ٷيٸندە بالالارعا قالاي قارايتىنى ەسٸنە تٷسسە جٷرەگٸ اۋىراتىنىن جەتكٸزدٸ.
«مەنٸڭ قىزىم 31-دە. مەنٸ كەشٸرە مە, كەشٸرمەي مە, بٸلمەيمٸن. بٸراق وعان ايتقىم كەلەتٸنٸ, بۇل جاعداي ەكەۋمٸزدٸڭ كٸنەمٸز ەمەس.
ايتا كەتەيٸك, بۇل وقيعا 1994 جىلى بولعان. سول كەزدە 17 جاستا بولعان ناتاشا قالىمبەتوۆا تۋعان اۋىلىندا بولعان زورلىقتان كەيٸن ٶمٸرٸنٸڭ كٷرت ٶزگەرگەنٸن ايتادى. وقيعادان كەيٸن ول جٷكتٸ ەكەنٸن بٸلٸپ, ورال قالاسىنا قونىس اۋدارادى. وندا پەدكوللەدجگە وقۋعا تٷسەدٸ. الايدا وقۋ ورنى تاراپىنان دا, اينالاسىنداعى ادامداردان دا تولىققاندى قولداۋ كٶرمەگەن.
كەيٸن ول دەنٸ ساۋ قىز بالا دٷنيەگە ەكەلەدٸ. بوسانعاننان كەيٸن وعان بالادان باس تارتۋعا قاتىستى قۇجات ۇسىنىلعانى ايتىلادى. بٸراق بٸرنەشە كٷن بويى سەبيٸمەن بٸرگە بولعان انا وعان قاتتى باۋىر باسىپ قالعان. ەيەلدٸڭ ايتۋىنشا, ول كەيٸن ٷش جىل بويى نەرەستەلەر ٷيٸنە بارىپ, قىزىن انجەليكا ەسٸمٸمەن كٶرٸپ جٷرگەن.
