REN TV telearnasy 19 jastaǵy Ilnaz Galiavievtiń Qazandaǵy mektepke shabýyl jasaǵan sátinen aýdiojazba jariialady, - dep habarlaidy Tengrinews.kz.
Aýdiojazbany synyptardyń birinde jasyrynǵan oqýshy jazyp alǵan.
"Synyptyń esigin jaýyp, ústeldiń astynda tyǵylyp otyrmyz", - deidi qyz, arǵy jaǵynda atys pen jarylys dybysy estilip tur.
Kadrlardan oqýshylardyń parta astyna qalai jasyrynyp júrgenin kórýge bolady. Videony gimnaziia oqýshylarynyń biri túsirgen. Ashyq turǵan terezelerden sirena dybysy estiledi. Balalar ústel astynda tyǵylyp otyr.
Sonymen qatar, syrtta ornalasqan beinekameralar Galiavievtiń mektepke qalai kirgenin túsirip alǵan. Kadrlardan er adamnyń ǵimaratqa qarýyn jasyrmai kirgeni kórinedi. Qosalqy oq-dári salynǵan sómkesi bolǵan.
Videodan qarýly Galiavievti eshkim toqtatýǵa tyryspaǵanyn kórýge bolady. Aldyn ala málimet boiynsha, mektepte kúzet bolmaǵan bolýy da múmkin. Mekemeniń qaýipsizdik júiesi týraly naqty derekterdi tergeýshiler áli anyqtap jatyr.
Eske sala keteiik, 11 mamyrda Qazan qalasy Faizi kóshesindegi mektepte eki adam oq jaýdyrǵan bolatyn.
Buǵan deiin atys kezinde 9 adam qaza taýyp, taǵy 21 adam zardap shekkeni habarlanǵan edi.
Aita keteiik, memleket basshysy Qasym-Jomart Toqaev Qazan qalasyndaǵy gimnaziiada reseilik oqýshylardyń qaza tabýyna bailanysty Resei Federatsiiasynyń Prezidenti Vladimir Pýtinge kóńil aitty.
Qaiǵyly jaǵdaiǵa bailanysty Tatarstan Prezidenti Rýstam Minnihanov 12 mamyrdy respýblikada aza tutý kúni dep jariialady.
