رەن تۆ تەلەارناسى 19 جاستاعى يلناز گالياۆيەۆتٸڭ قازانداعى مەكتەپكە شابۋىل جاساعان سەتٸنەن اۋديوجازبا جارييالادى, - دەپ حابارلايدى Tengrinews.kz.
اۋديوجازبانى سىنىپتاردىڭ بٸرٸندە جاسىرىنعان وقۋشى جازىپ العان.
"سىنىپتىڭ ەسٸگٸن جاۋىپ, ٷستەلدٸڭ استىندا تىعىلىپ وتىرمىز", - دەيدٸ قىز, ارعى جاعىندا اتىس پەن جارىلىس دىبىسى ەستٸلٸپ تۇر.
كادرلاردان وقۋشىلاردىڭ پارتا استىنا قالاي جاسىرىنىپ جٷرگەنٸن كٶرۋگە بولادى. ۆيدەونى گيمنازييا وقۋشىلارىنىڭ بٸرٸ تٷسٸرگەن. اشىق تۇرعان تەرەزەلەردەن سيرەنا دىبىسى ەستٸلەدٸ. بالالار ٷستەل استىندا تىعىلىپ وتىر.
سونىمەن قاتار, سىرتتا ورنالاسقان بەينەكامەرالار گالياۆيەۆتٸڭ مەكتەپكە قالاي كٸرگەنٸن تٷسٸرٸپ العان. كادرلاردان ەر ادامنىڭ عيماراتقا قارۋىن جاسىرماي كٸرگەنٸ كٶرٸنەدٸ. قوسالقى وق-دەرٸ سالىنعان سٶمكەسٸ بولعان.
ۆيدەودان قارۋلى گالياۆيەۆتٸ ەشكٸم توقتاتۋعا تىرىسپاعانىن كٶرۋگە بولادى. الدىن الا مەلٸمەت بويىنشا, مەكتەپتە كٷزەت بولماعان بولۋى دا مٷمكٸن. مەكەمەنٸڭ قاۋٸپسٸزدٸك جٷيەسٸ تۋرالى ناقتى دەرەكتەردٸ تەرگەۋشٸلەر ەلٸ انىقتاپ جاتىر.
ەسكە سالا كەتەيٸك, 11 مامىردا قازان قالاسى فايزي كٶشەسٸندەگٸ مەكتەپتە ەكٸ ادام وق جاۋدىرعان بولاتىن.
بۇعان دەيٸن اتىس كەزٸندە 9 ادام قازا تاۋىپ, تاعى 21 ادام زارداپ شەككەنٸ حابارلانعان ەدٸ.
ايتا كەتەيٸك, مەملەكەت باسشىسى قاسىم-جومارت توقاەۆ قازان قالاسىنداعى گيمنازييادا رەسەيلٸك وقۋشىلاردىڭ قازا تابۋىنا بايلانىستى رەسەي فەدەراتسيياسىنىڭ پرەزيدەنتٸ ۆلاديمير پۋتينگە كٶڭٸل ايتتى.
قايعىلى جاعدايعا بايلانىستى تاتارستان پرەزيدەنتٸ رۋستام ميننيحانوۆ 12 مامىردى رەسپۋبليكادا ازا تۇتۋ كٷنٸ دەپ جارييالادى.
