ەنشٸ تٶرەعالي تٶرەەلٸنٸڭ قارىنداسى ەلەۋمەتتٸك جەلٸدەگٸ جازباسىنان كەيٸن وقىرمانداردىڭ سىنىنا ۇشىرادى. 23 جاستا ەكەنٸن جەنە ٷش بالاسى بارىن ايتقان ول جوعارى بٸلٸم الۋدان گٶرٸ وتباسىن قۇرۋدى تاڭداعانىن, ديپلومسىز-اق كەسٸبٸ مەن تابىسى بار ەكەنٸن مەلٸمدەدٸ, دەپ حابارلايدى ult.kz.
Instagram پاراقشاسىندا دينا تٶرەەلٸ (tattti_kyz) بٸلٸم الۋ ەشقاشان كەش ەمەس ەكەنٸن, الايدا ديپلوم ادامنىڭ جەتٸستٸگٸن انىقتامايتىنىن جازعان.
«وقۋدى ەمەس, وتباسى بولۋدى تاڭدادىم سول سەتتە! وقۋ, بٸلٸم الۋ ەشقاشان دا كەش ەمەس جەنە ودان قاشپايمىن. بٸراق سەندەر ويلاعان بٸر قاعاز ديپلوم ەشتەڭەنٸ شەشپەيدٸ. پوتەنتسيالىڭ جوق بولسا, 10 ديپلومىڭ بولسا دا كٶمەكتەسپەيدٸ! ديپلومىم جوق – بيزنەسٸم بار, ديپلومىم جوق – تابىسىم بار», – دەپ جازدى ول.
سونداي-اق كٷندەلٸكتٸ دامۋعا كٶڭٸل بٶلٸپ جٷرگەنٸن جەتكٸزدٸ.
ونىڭ بۇل پٸكٸرٸ جەلٸ قولدانۋشىلارىنىڭ اراسىندا قىزۋ تالقىلاندى. كەيبٸر وقىرمان ديپلومنىڭ ماڭىزىن تٶمەندەتكەنٸمەن كەلٸسپەي, تٷرلٸ ماماندىق يەلەرٸنٸڭ ەڭبەگٸن مىسالعا كەلتٸردٸ.
«ەگەر بٸر قاعاز ديپلوم ەشتەڭە شەشپەسە, نە ٷشٸن اۋىرعاندا ديپلومسىز-اق ەمدەي الاتىن باقسى-بالگەرگە ەمەس, توعىز جىلىن وقۋعا ارناعان دەرٸگەرگە باراسىڭ? ال ساعان ەرٸپ تانىتىپ, وقۋ مەن جازۋدى ٷيرەتكەن مۇعالٸم شە? ونىڭ دا ەڭبەگٸ بٸر قاعازبەن ٶلشەنە مە? باسىڭا ٸس تٷسٸپ, قۇقىعىڭ تاپتالعاندا ديپلومى جوق بٸرەۋدٸ ەمەس, زاڭدى بٸلەتٸن ماماندى ٸزدەيسٸڭ عوي», – دەپ جازدى جەلٸ قولدانۋشىلارىنىڭ بٸرٸ.
تاعى بٸر وقىرمان جۋرناليستيكا مەن ٶنەر سالاسىندا بٸلٸم العان مامانداردىڭ ەڭبەگٸ مەن مەملەكەتتٸك قارجىنىڭ جۇمسالۋىن العا تارتىپ, ديپلومسىز-اق تابىس تاباتىنىن ايتۋدىڭ دۇرىس ەمەستٸگٸن جەتكٸزگەن.

بٸر قىزىعى, تەتتٸ قىز كەيٸنگٸ ستوريسٸندە «حابار» تەلەارناسىنان جٷرگٸزۋشٸلٸككە ۇسىنىس تٷسكەنٸن دە حابارلاعان. ول بۇل ۇسىنىسقا قاتىستى ەزٸرگە قوسىمشا مەلٸمەت بەرمەگەن.
