Memleket basshysy Qasym-Jomart Toqaev «Halyqtyq qurylys» baǵdarlamasy aiasynda jańa jumys oryndary ashylyp, azamattardyń tabysy artyp, turmys sapasy jaqsaratynyn aitty. Bul týraly Prezident aýyl sharýashylyǵy eńbekkerleriniń úshinshi forýmynda sóilegen sózinde málimdedi, dep habarlaidy ult.kz.
Prezidenttiń aitýynsha, biylǵy Joldaýda kórinis tapqan «Halyqtyq qurylys» baǵdarlamasy eldiń barlyq óńirin qamtityn aýqymdy joba bolmaq.
Onyń aiasynda elimizdiń ár aimaǵynda emhana, aýrýhana, balabaqsha, mektep, mádeniet jáne sport nysandary salynady. Sonymen qatar sapaly joldar tóselip, atom, sý jáne elektr stantsiialary, derekterdi óńdeý ortalyqtary boi kóteredi.
«Jalpyulttyq jobaǵa óndiris oryndary da, otandyq kásipkerler de belsene atsalysady. Jańa jumys oryndary paida bolady, azamattardyń tabysy artyp, turmys sapasy jaqsarady. Túptep kelgende, «Halyqtyq qurylystyń» igiligi men jaqsylyǵyn Qazaqstannyń árbir azamaty, ásirese, óskeleń urpaq ókilderi kóredi», – dedi Qasym-Jomart Toqaev.
Memleket basshysy mundai aýqymdy qurylys jumystary Qazaqstan tarihynda buryn-sońdy bolmaǵanyn atap ótti.
«Sondyqtan biz «Qurylys jáne taǵy da qurylys» sózin otanshyldyq urany etip, birtutas qoǵamymyzdyń múddesi úshin Ádiletti Qazaqstannyń ár kirpishin birge qalaimyz», – dedi Prezident.