Foto: Pexels.com
2025 jyldyń 9 aiynyń qorytyndysy Qazaqstanǵa halyqaralyq deńgeidegi qyzyǵýshylyqtyń ósimin kórsetti, dep habarlaidy Ult.kz.
QR UQK Shekara qyzmetiniń málimetine júginsek, biylǵy qańtar-qyrkúiek aralyǵynda elimizge 12,2 millionnan astam sheteldik azamat kelgen. Bul kórsetkish ótken jyldyń sáikes kezeńimen salystyrǵanda 730 myń adamǵa kóp.
TMD quramyna kirmeitin memleketterden Qazaqstanǵa kelýshiler qatary artqany baiqalady. Olardyń sany boiynsha TOP-5 el:
QHR
9 aida Qazaqstanǵa 693 myńnan astam Qytai azamaty kelgen. Bul kórsetkish 2024 jyldyń sáikes kezeńimen salystyrǵanda 42%-ǵa joǵary. Qyzyǵýshylyqtyń artýyna vizasyz rejimniń engizilýi, tikelei áýe qatynasynyń keńeiýi jáne elimizdiń týristik áleýetin Qytai naryǵynda ilgeriletý septigin tigizdi. Qazaqstan toptyq jáne jeke saiahattar úshin de Qytai azamattary arasynda tartymdy baǵytqa ainalýda.
Úndistan
2025 jyldyń qańtar-qyrkúiek ailarynda Qazaqstanda 113 myńǵa jýyq úndistandyq azamat boldy. Bul ótken jylǵy kórsetkishten (106 myń adam) joǵary.
Túrkiia
Bul ýaqyt aralyǵynda Qazaqstan 103 myńnan astam túrik azamatyn qabyldady. Kelýshiler qatarynyń artýyna turaqty áýe qatynasy, elder arasyndaǵy mádeni jáne iskerlik bailanystar yqpal etýde.
Germaniia
2025 jyldyń 9 aiynda Qazaqstanǵa 81 myńnan astam germaniialyq azamat keldi. Etnotýrizm, biregei tabiǵi landshafttar jáne tarihi-mádeni oryndar - negizgi tartymdy nysandar.
Ońtústik Koreia
Bul elden kelýshiler sany 25%-ǵa artyp, 41,3 myń adamdy qurady. Ońtústik Koreia azamattary Qazaqstandy jii tańdaidy. Oǵan tikelei áýe reisteri, vizasyz rejim, elimizdiń tabiǵatyna, mádenietine jáne ulttyq taǵamyna qyzyǵýshylyq ta óz áserin tigizedi.
