Foto: ashyq derekkóz
2026 jylǵy 2 mamyrda Jetisý oblysynda Sivers alma aǵashynyń gúldeýine arnalǵan aýqymdy festival ótedi. Is-shara Jetisý Alataýynyń baýraiynda, «Jońǵar Alataýy memlekettik ulttyq tabiǵi parki» aýmaǵynda uiymdastyrylady, dep habarlaidy Ult.kz.
Festival QR Týrizm jáne sport ministrligi bekitken 2026 jylǵa arnalǵan týristik is-sharalar kúntizbesine engizilgen. Is-shara oqiǵalyq týrizmdi damytýǵa jáne eldiń mádeni imidjin nyǵaitýǵa baǵyttalǵan.
Sivers almasy – qazirgi barlyq mádeni alma suryptarynyń arǵy tegi. Onyń gúldeý kezeńinde taý bókterleri aq-qyzǵylt reńkterge boialyp, erekshe tabiǵi kórinis qalyptastyrady. Bul óz kezeginde ekologiialyq týrizmdi damytýǵa qolaily jaǵdai jasaidy.
Festival aiasynda mazmundy baǵdarlama usynylady:
- - gúldegen alma baqtarynyń panoramalyq kórinisteri;
- - plener formatyndaǵy kórkemsýret baiqaýy;
- - hedlainerlerdiń qatysýymen mádeni-oiyn-saýyq baǵdarlamasy;
- - ulttyq sport oiyndary;
- qolónershiler jármeńkesi men sheberlik saǵattary.
Festivaldi ótkizý óńirdiń tabiǵi jáne mádeni murasyn keńinen tanytýǵa, sondai-aq onyń týristik tartymdylyǵyn ulttyq jáne halyqaralyq deńgeide arttyrýǵa yqpal etedi.
Ótetin orny: Jetisý oblysy, Sarqan aýdany, Topolevka aýyly
Kúni: 2026 jylǵy 2 mamyr
Jetisý óńiri turǵyndar men qonaqtardy osy biregei tabiǵi qubylysty tamashalap, jergilikti ekojúieniń bailyǵyn jaqynnan tanýǵa shaqyrady.
