فوتو: اشىق دەرەككٶز
2026 جىلعى 2 مامىردا جەتٸسۋ وبلىسىندا سيۆەرس الما اعاشىنىڭ گٷلدەۋٸنە ارنالعان اۋقىمدى فەستيۆال ٶتەدٸ. ٸس-شارا جەتٸسۋ الاتاۋىنىڭ باۋرايىندا, «جوڭعار الاتاۋى مەملەكەتتٸك ۇلتتىق تابيعي پاركٸ» اۋماعىندا ۇيىمداستىرىلادى, دەپ حابارلايدى Ult.kz.
فەستيۆال قر تۋريزم جەنە سپورت مينيسترلٸگٸ بەكٸتكەن 2026 جىلعا ارنالعان تۋريستٸك ٸس-شارالار كٷنتٸزبەسٸنە ەنگٸزٸلگەن. ٸس-شارا وقيعالىق تۋريزمدٸ دامىتۋعا جەنە ەلدٸڭ مەدەني يميدجٸن نىعايتۋعا باعىتتالعان.
سيۆەرس الماسى – قازٸرگٸ بارلىق مەدەني الما سۇرىپتارىنىڭ ارعى تەگٸ. ونىڭ گٷلدەۋ كەزەڭٸندە تاۋ بٶكتەرلەرٸ اق-قىزعىلت رەڭكتەرگە بويالىپ, ەرەكشە تابيعي كٶرٸنٸس قالىپتاستىرادى. بۇل ٶز كەزەگٸندە ەكولوگييالىق تۋريزمدٸ دامىتۋعا قولايلى جاعداي جاسايدى.
فەستيۆال اياسىندا مازمۇندى باعدارلاما ۇسىنىلادى:
- - گٷلدەگەن الما باقتارىنىڭ پانورامالىق كٶرٸنٸستەرٸ;
- - پلەنەر فورماتىنداعى كٶركەمسۋرەت بايقاۋى;
- - حەدلاينەرلەردٸڭ قاتىسۋىمەن مەدەني-ويىن-ساۋىق باعدارلاماسى;
- - ۇلتتىق سپورت ويىندارى;
- قولٶنەرشٸلەر جەرمەڭكەسٸ مەن شەبەرلٸك ساعاتتارى.
فەستيۆالدٸ ٶتكٸزۋ ٶڭٸردٸڭ تابيعي جەنە مەدەني مۇراسىن كەڭٸنەن تانىتۋعا, سونداي-اق ونىڭ تۋريستٸك تارتىمدىلىعىن ۇلتتىق جەنە حالىقارالىق دەڭگەيدە ارتتىرۋعا ىقپال ەتەدٸ.
ٶتەتٸن ورنى: جەتٸسۋ وبلىسى, سارقان اۋدانى, توپولەۆكا اۋىلى
كٷنٸ: 2026 جىلعى 2 مامىر
جەتٸسۋ ٶڭٸرٸ تۇرعىندار مەن قوناقتاردى وسى بٸرەگەي تابيعي قۇبىلىستى تاماشالاپ, جەرگٸلٸكتٸ ەكوجٷيەنٸڭ بايلىعىن جاقىننان تانۋعا شاقىرادى.
