فوتو: Gov.kz
مەجٸلٸس «جانۋارلارعا جاۋاپكەرشٸلٸكپەن قاراۋ تۋرالى» زاڭعا ەنگٸزٸلەتٸن تٷزەتۋلەردٸ قابىلدادى دەپ حابارلايدى Ult.kz.
قۇجات جانۋارلارعا قاتىستى زاڭنامانى جەتٸلدٸرۋگە, ازاماتتاردىڭ قاۋٸپسٸزدٸگٸن ارتتىرۋعا جەنە ولارعا ٸزگٸلٸكپەن قاراۋ قاعيدالارىن كٷشەيتۋگە باعىتتالعان.
تٷزەتۋلەرگە سەيكەس, ۇستالعان جانۋارلاردى قايتادان كٶشەگە جٸبەرۋدٸڭ الدىن الۋ ٷشٸن ولاردى مٸندەتتٸ تٷردە ۋاقىتشا ۇستاۋ پۋنكتتەرٸنە تاپسىرۋ ۇسىنىلادى. سونىمەن قاتار, يەسٸز جانۋارلاردى مەملەكەتتٸك بيۋدجەت ەسەبٸنەن ۆاكتسيناتسييالاۋ نورماسىن الىپ تاستاۋ كٶزدەلگەن.
سونداي-اق قاراۋسىز جٷرگەن جانۋارلاردىڭ سانىن رەتتەۋ شارالارى كٷشەيتٸلەدٸ. قوعام دەنساۋلىعىن قورعاۋ جەنە جۇقپالى اۋرۋلاردىڭ تارالۋىنىڭ الدىن الۋ ماقساتىندا ەۆتانازييا قولدانۋ مٷمكٸندٸگٸ قاراستىرىلعان. بۇل فۋنكتسييالار جەرگٸلٸكتٸ اتقارۋشى ورگاندارعا جٷكتەلٸپ, ولاردىڭ ٶكٸلەتتٸكتەرٸ كەڭەيتٸلەدٸ.
قۇجاتتا ٷي جانۋارلارىن ەسەپكە الۋ جٷيەسٸن دامىتۋ دا قاراستىرىلعان. اتاپ ايتقاندا, جانۋارلاردى مٸندەتتٸ تٷردە چيپتەۋ ەنگٸزٸلٸپ, ولاردى تەك تٸركەۋ بولعان جاعدايدا عانا كٶبەيتۋ تالاپتارى بەلگٸلەنەدٸ.
بۇدان بٶلەك, قوعامدىق باقىلاۋ قۇقىعى بەكٸتٸلەدٸ. ەندٸ قوعام ٶكٸلدەرٸ جانۋارلارعا ارنالعان پاناجايلار مەن ۋاقىتشا ۇستاۋ پۋنكتتەرٸنە بارىپ, ولاردىڭ جاعدايىمەن تانىسا الادى.
زاڭ جوباسىن قاراۋ بارىسىندا دەپۋتاتتار «جەرگٸلٸكتٸ مەملەكەتتٸك باسقارۋ جەنە ٶزٸن-ٶزٸ باسقارۋ تۋرالى» جەنە «ۆەتەرينارييا تۋرالى» زاڭدارعا دا ٶزگەرٸستەر ەنگٸزدٸ. بۇل تٷزەتۋلەر جەرگٸلٸكتٸ ورگانداردىڭ جانۋارلار سانىن رەتتەۋ, پاناجايلاردى قولداۋ جەنە جانۋارلاردى جاڭا يەلەرٸنە بەرۋ بويىنشا ەلەۋمەتتٸك جارنامانى دامىتۋ باعىتىنداعى ٶكٸلەتتٸكتەرٸن ناقتىلايدى.
