فوتو: Gov.kz
ۇلتتىق ستاتيستيكا بيۋروسىنىڭ مەلٸمەتٸنشە, 2025 جىلى قازاقستاننىڭ كۋرورتتىق ايماقتارىنداعى دەمالىس ورىندارى 4,8 ملن ادامعا قىزمەت كٶرسەتكەن. بۇل 2024 جىلمەن سالىستىرعاندا 11,5%-عا كٶپ (4,3 ملن). تۋريستەردٸڭ 17,3%-ىن شەتەلدٸك ازاماتتار قۇرايدى, دەپ حابارلايدى Ult.kz.
ەڭ كٶپ كەلۋشٸ الماتى تاۋ كلاستەرٸ ايماعىندا تٸركەلدٸ – 2,9 ملن ادام. ەكٸنشٸ ورىندا ششۋچينسك-بۋراباي كۋرورت ايماعى, مۇندا 463,1 مىڭ ادام دەمالعان. ٷشٸنشٸ ورىندا ماڭعىستاۋ كۋرورت ايماعى – 370,1 مىڭ كەلۋشٸ.
ٷزدٸك بەستٸككە سونداي-اق بالقاش تۋريستٸك ايماعى (182,9 مىڭ ادام) مەن الاكٶل كۋرورت ايماعى (149,1 مىڭ ادام) كٸردٸ.
2025 جىلدىڭ قاڭتار-جەلتوقسان ايلارى ارالىعىندا كۋرورتتىق ايماقتارداعى ورنالاستىرۋ ورىندارى 198,5 ملرد تەڭگەگە قىزمەت كٶرسەتكەن.
جالپى ەلٸمٸزدە دەمالۋشىلاردى قابىلدايتىن 1856 ورنالاستىرۋ نىسانى تٸركەلگەن.
