Foto: Gov.kz
Ulttyq statistika biýrosynyń málimetinshe, 2025 jyly Qazaqstannyń kýrorttyq aimaqtaryndaǵy demalys oryndary 4,8 mln adamǵa qyzmet kórsetken. Bul 2024 jylmen salystyrǵanda 11,5%-ǵa kóp (4,3 mln). Týristerdiń 17,3%-yn sheteldik azamattar quraidy, dep habarlaidy Ult.kz.
Eń kóp kelýshi Almaty taý klasteri aimaǵynda tirkeldi – 2,9 mln adam. Ekinshi orynda Shýchinsk-Býrabai kýrort aimaǵy, munda 463,1 myń adam demalǵan. Úshinshi orynda Mańǵystaý kýrort aimaǵy – 370,1 myń kelýshi.
Úzdik bestikke sondai-aq Balqash týristik aimaǵy (182,9 myń adam) men Alakól kýrort aimaǵy (149,1 myń adam) kirdi.
2025 jyldyń qańtar-jeltoqsan ailary aralyǵynda kýrorttyq aimaqtardaǵy ornalastyrý oryndary 198,5 mlrd teńgege qyzmet kórsetken.
Jalpy elimizde demalýshylardy qabyldaityn 1856 ornalastyrý nysany tirkelgen.
