Foto: Gov.kz
Májilis «Janýarlarǵa jaýapkershilikpen qaraý týraly» zańǵa engiziletin túzetýlerdi qabyldady dep habarlaidy Ult.kz.
Qujat janýarlarǵa qatysty zańnamany jetildirýge, azamattardyń qaýipsizdigin arttyrýǵa jáne olarǵa izgilikpen qaraý qaǵidalaryn kúsheitýge baǵyttalǵan.
Túzetýlerge sáikes, ustalǵan janýarlardy qaitadan kóshege jiberýdiń aldyn alý úshin olardy mindetti túrde ýaqytsha ustaý pýnktterine tapsyrý usynylady. Sonymen qatar, iesiz janýarlardy memlekettik biýdjet esebinen vaktsinatsiialaý normasyn alyp tastaý kózdelgen.
Sondai-aq qaraýsyz júrgen janýarlardyń sanyn retteý sharalary kúsheitiledi. Qoǵam densaýlyǵyn qorǵaý jáne juqpaly aýrýlardyń taralýynyń aldyn alý maqsatynda evtanaziia qoldaný múmkindigi qarastyrylǵan. Bul fýnktsiialar jergilikti atqarýshy organdarǵa júktelip, olardyń ókilettikteri keńeitiledi.
Qujatta úi janýarlaryn esepke alý júiesin damytý da qarastyrylǵan. Atap aitqanda, janýarlardy mindetti túrde chipteý engizilip, olardy tek tirkeý bolǵan jaǵdaida ǵana kóbeitý talaptary belgilenedi.
Budan bólek, qoǵamdyq baqylaý quqyǵy bekitiledi. Endi qoǵam ókilderi janýarlarǵa arnalǵan panajailar men ýaqytsha ustaý pýnktterine baryp, olardyń jaǵdaiymen tanysa alady.
Zań jobasyn qaraý barysynda depýtattar «Jergilikti memlekettik basqarý jáne ózin-ózi basqarý týraly» jáne «Veterinariia týraly» zańdarǵa da ózgerister engizdi. Bul túzetýler jergilikti organdardyń janýarlar sanyn retteý, panajailardy qoldaý jáne janýarlardy jańa ielerine berý boiynsha áleýmettik jarnamany damytý baǵytyndaǵy ókilettikterin naqtylaidy.
