مەدينا سەدۋاقاسوۆا بولاشاق جۇبايىمەن تەلەباعدارلاما تٷسٸرٸلٸمٸندە تانىسقان. ال Ayree مەن نۇركەن قاسىموۆ بٸر كوللەدجدە وقىپ, اراعا جىلدار سالىپ جۇمىس بابىمەن قايتا كەزدەسكەن. Ult.kz قازاق ەستراداسىنداعى تٶرت ەنشٸنٸڭ وتباسىن قۇرۋ تاريحىنا شولۋ جاسادى.
ەركە ەسماحان مەن RaiM
ەركە ەسماحان RaiM دەگەن اتپەن تانىلعان ەنشٸ رايىمبەك باقتىگەرەەۆتەن 12 جاس ٷلكەن. ولار 2023 جىلدىڭ قاڭتارىندا نەكەسٸن قيدىرعان. سول كەزدە ەركە 38 جاستا, رايىمبەك 26 جاستا بولعان.

ەركە كەيٸن Instagram پاراقشاسىندا رايىمبەكپەن 2018 جىلى تانىسقانىن ايتىپ, سول كٷنٸ بٸرگە تٷسكەن العاشقى سۋرەتٸن جارييالادى. ەنشٸنٸڭ ايتۋىنشا, بٸر-بٸرٸنە دەگەن سەزٸمٸ سول كەزدەسۋدەن باستالعان. ول تانىستىقتارى جايلى ەڭگٸمەلەگەندە رايىمبەكتٸڭ “شام”, “O2” جەنە “4 دٶڭگەلەك” ەندەرٸن دە اتاعان.
مەدينا سەدۋاقاسوۆا مەن ولجاس سماعۇلوۆ
“سٷيگەن جٷرەك”, “جۇلدىزدى تٷن” ەندەرٸمەن تانىلعان مەدينا سەدۋاقاسوۆا ٶزٸنەن جەتٸ جاس كٸشٸ تەلەرەجيسسەر ولجاس سماعۇلوۆپەن شاڭىراق كٶتەرگەن. ەكەۋٸ تەلەباعدارلاما تٷسٸرٸلٸمٸندە تانىسىپ, 2013 جىلى كەزدەسە باستاعان. ولجاس ەنشٸگە تۋعان كٷنٸندە ٷيلەنۋگە ۇسىنىس جاساعان.

جۇپ 2014 جىلعى 2 اقپاندا الماتىدا نەكەسٸن رەسمي تٸركەدٸ. ٷيلەنۋ تويى دا الماتىدا ٶتتٸ. سول جىلدىڭ جازىندا ولاردىڭ ەنۋار ەسٸمدٸ ۇلى دٷنيەگە كەلدٸ.
التىناي جوراباەۆا مەن ەلٸشەر
التىناي جوراباەۆا ەكٸنشٸ رەت تۇرمىسقا شىققانىن 2020 جىلى حابارلادى. ەنشٸ جۇبايى ەلٸشەردٸڭ قوستاناي ٶڭٸرٸنەن ەكەنٸن جەنە ٶزٸنەن ەكٸ جاس كٸشٸ ەكەنٸن Instagram جەلٸسٸندە ايتتى. سول كەزدە ول تۇرمىسقا شىعۋ تۋرالى شەشٸمدٸ ۇزاق ويلانىپ قابىلداعانىن, قىزدارىنىڭ دا بۇل قادامىن قولداعانىن جەتكٸزدٸ.

جوراباەۆا وقىرماندارىنا جۇبايىنىڭ مٸنەزٸ تۋرالى دا ايتىپ بەردٸ. ونىڭ سٶزٸنشە, ەلٸشەر كٶپشٸلٸك الدىنا شىعۋعا قىسىلادى. سوندىقتان ول جٷزٸكتٸ ەل الدىندا تاعۋدى قالاماعان.
Ayree مەن نۇركەن قاسىموۆ
Ayree دەگەن اتپەن تانىلعان ەيگەرٸم راقىش ٶزٸنەن ەكٸ جاس كٸشٸ نۇركەن قاسىموۆقا تۇرمىسقا شىققان. ەنشٸ “مامسكيي ەڭگٸمە” جوباسىنا بەرگەن سۇحباتىندا ەكەۋٸنٸڭ بٸر كوللەدجدە وقىعانىن ايتتى. وقۋ بٸتٸرگەننەن كەيٸن ەرقايسىسى ٶز جولىمەن كەتٸپ, بٸراز جىلدان سوڭ جۇمىس بابىمەن قايتا جولىققان.

بەينەبايان تٷسٸرەتٸن مامان ٸزدەگەن ەيگەرٸم نۇركەننٸڭ جۇمىستارىن ەلەۋمەتتٸك جەلٸدەن قاراپ جٷرٸپ, وعان ٶزٸ بٸرٸنشٸ بولىپ جازعان. ەۋەلدە شىعارماشىلىق جوسپارلارىن تالقىلاعان ەكەۋٸ كەيٸن كوفە ٸشٸپ, ٶمٸر جايلى دا ۇزاق ەڭگٸمەلەسەتٸن بولعان. ەنشٸ سۇحباتىندا نۇركەننٸڭ ەڭبەكقورلىعى مەن سابىرلى مٸنەزٸن اتاپ ٶتتٸ.