فوتو: Pexels.com
2025 جىلدىڭ 9 ايىنىڭ قورىتىندىسى قازاقستانعا حالىقارالىق دەڭگەيدەگٸ قىزىعۋشىلىقتىڭ ٶسٸمٸن كٶرسەتتٸ, دەپ حابارلايدى Ult.kz.
قر ۇقك شەكارا قىزمەتٸنٸڭ مەلٸمەتٸنە جٷگٸنسەك, بيىلعى قاڭتار-قىركٷيەك ارالىعىندا ەلٸمٸزگە 12,2 ميلليوننان استام شەتەلدٸك ازامات كەلگەن. بۇل كٶرسەتكٸش ٶتكەن جىلدىڭ سەيكەس كەزەڭٸمەن سالىستىرعاندا 730 مىڭ ادامعا كٶپ.
تمد قۇرامىنا كٸرمەيتٸن مەملەكەتتەردەن قازاقستانعا كەلۋشٸلەر قاتارى ارتقانى بايقالادى. ولاردىڭ سانى بويىنشا توپ-5 ەل:
قحر
9 ايدا قازاقستانعا 693 مىڭنان استام قىتاي ازاماتى كەلگەن. بۇل كٶرسەتكٸش 2024 جىلدىڭ سەيكەس كەزەڭٸمەن سالىستىرعاندا 42%-عا جوعارى. قىزىعۋشىلىقتىڭ ارتۋىنا ۆيزاسىز رەجيمنٸڭ ەنگٸزٸلۋٸ, تٸكەلەي ەۋە قاتىناسىنىڭ كەڭەيۋٸ جەنە ەلٸمٸزدٸڭ تۋريستٸك ەلەۋەتٸن قىتاي نارىعىندا ٸلگەرٸلەتۋ سەپتٸگٸن تيگٸزدٸ. قازاقستان توپتىق جەنە جەكە ساياحاتتار ٷشٸن دە قىتاي ازاماتتارى اراسىندا تارتىمدى باعىتقا اينالۋدا.
ٷندٸستان
2025 جىلدىڭ قاڭتار-قىركٷيەك ايلارىندا قازاقستاندا 113 مىڭعا جۋىق ٷندٸستاندىق ازامات بولدى. بۇل ٶتكەن جىلعى كٶرسەتكٸشتەن (106 مىڭ ادام) جوعارى.
تٷركييا
بۇل ۋاقىت ارالىعىندا قازاقستان 103 مىڭنان استام تٷرٸك ازاماتىن قابىلدادى. كەلۋشٸلەر قاتارىنىڭ ارتۋىنا تۇراقتى ەۋە قاتىناسى, ەلدەر اراسىنداعى مەدەني جەنە ٸسكەرلٸك بايلانىستار ىقپال ەتۋدە.
گەرمانييا
2025 جىلدىڭ 9 ايىندا قازاقستانعا 81 مىڭنان استام گەرمانييالىق ازامات كەلدٸ. ەتنوتۋريزم, بٸرەگەي تابيعي لاندشافتتار جەنە تاريحي-مەدەني ورىندار - نەگٸزگٸ تارتىمدى نىساندار.
وڭتٷستٸك كورەيا
بۇل ەلدەن كەلۋشٸلەر سانى 25%-عا ارتىپ, 41,3 مىڭ ادامدى قۇرادى. وڭتٷستٸك كورەيا ازاماتتارى قازاقستاندى جيٸ تاڭدايدى. وعان تٸكەلەي ەۋە رەيستەرٸ, ۆيزاسىز رەجيم, ەلٸمٸزدٸڭ تابيعاتىنا, مەدەنيەتٸنە جەنە ۇلتتىق تاعامىنا قىزىعۋشىلىق تا ٶز ەسەرٸن تيگٸزەدٸ.
