Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty
Ekonomika jáne biznes

Qazaqstanda bir ǵana jeńildetilgen avtonesie baǵdarlamasy qalady

Ult portaly
Qazaqstanda bir ǵana jeńildetilgen avtonesie baǵdarlamasy qalady

Foto: elements.envato.com

Indýstriia jáne infraqurylymdyq damý ministrligi jeńildetilgen avtonesie baǵdarlamasy týraly jańa habardy bólisti, - dep habarlaidy Tengrinews.kz saity.

Vitse-ministr Iliias Ospanovtyń aitýynsha, jeńildetilgen avtonesie baǵdarlamasy qaita formattalady. Endi bul avtobýs satyp alý úshin óńirlerge nesie berý baǵdarlamasy bolmaq.

"Jeńildetilgen avtonesiege bólingen 100 milliard teńgeniń barlyǵy igerildi. Jyl basynan beri aldymyzda osy qarjyny odan ári damytý, igerý mindeti tur. Birinshi kezektegi qajettilikterdi zerdeleý mindeti turdy. Óńirlerdi aralaǵanda, kóbinese avtobýstarmen jabdyqtaý máselesi kóterildi. Búginde qalalardaǵy avtobýstardyń 46 paiyzy eskirgen. Jergilikti atqarýshy organdarmen kezdesýler ótkizip, qajettilikterdi jinadyq. Búgin 2000 avtobýsqa tapsyrys berdik. Olardyń teń jartysy Almaty qalasynyń ákimdiginen kelgen, munda tapshylyq (avtobýstar - esk.) joǵary", ​​- dedi Ospanov.

Vitse-ministr Qazaqstanda jeńildetilgen avtonesie berýdiń eki baǵdarlamasy bar ekenin eske saldy. Sonyń tek bireýi qaita formattalady.

"Bizde avtokólikti nesielendirýdiń eki baǵdarlamasy bar. Birinshi baǵdarlama - Qazaqstannyń Damý banki arqyly, ekinshisi - Kásipkerlikti damytý qory, ÓKM qarjysy esebinen. Dál qazir ol qaita formattalady, qarajat aimaqtarǵa avtobýstardy nesielendirýge baǵyttaldy. Al Qazaqstannyń Damý banki aiasyndaǵy baǵdarlama ózgerissiz qaldy", - dedi vitse-ministr.

Jeńildetilgen avtonesie baǵdarlamasyn qaita pishimdeý sebepterine toqtalǵan Iliias Ospanov ministrliktiń aldynda bólingen qarjydan barynsha tiimdi paidalaný mindeti turǵanyn qaitalady.

"Aqsha bar, biraq ol az. Barlyǵyna jetpeidi. Bizdiń mindetimiz odan maksimal paida (baǵdarlama. - eks.) alý boldy. Bul jaǵdaida tiimdilik - qamtamasyz etý qajet. Paida - 9,2 million adam joǵary sapaly avtobýstarmen qatynaidy", - dep túsindirdi sheneýnik.

Oqi otyryńyz