فوتو: elements.envato.com
يندۋسترييا جەنە ينفراقۇرىلىمدىق دامۋ مينيسترلٸگٸ جەڭٸلدەتٸلگەن اۆتونەسيە باعدارلاماسى تۋرالى جاڭا حاباردى بٶلٸستٸ, - دەپ حابارلايدى Tengrinews.kz سايتى.
ۆيتسە-مينيستر ٸليياس وسپانوۆتىڭ ايتۋىنشا, جەڭٸلدەتٸلگەن اۆتونەسيە باعدارلاماسى قايتا فورماتتالادى. ەندٸ بۇل اۆتوبۋس ساتىپ الۋ ٷشٸن ٶڭٸرلەرگە نەسيە بەرۋ باعدارلاماسى بولماق.
"جەڭٸلدەتٸلگەن اۆتونەسيەگە بٶلٸنگەن 100 ميلليارد تەڭگەنٸڭ بارلىعى يگەرٸلدٸ. جىل باسىنان بەرٸ الدىمىزدا وسى قارجىنى ودان ەرٸ دامىتۋ, يگەرۋ مٸندەتٸ تۇر. بٸرٸنشٸ كەزەكتەگٸ قاجەتتٸلٸكتەردٸ زەردەلەۋ مٸندەتٸ تۇردى. ٶڭٸرلەردٸ ارالاعاندا, كٶبٸنەسە اۆتوبۋستارمەن جابدىقتاۋ مەسەلەسٸ كٶتەرٸلدٸ. بٷگٸندە قالالارداعى اۆتوبۋستاردىڭ 46 پايىزى ەسكٸرگەن. جەرگٸلٸكتٸ اتقارۋشى ورگاندارمەن كەزدەسۋلەر ٶتكٸزٸپ, قاجەتتٸلٸكتەردٸ جينادىق. بٷگٸن 2000 اۆتوبۋسقا تاپسىرىس بەردٸك. ولاردىڭ تەڭ جارتىسى الماتى قالاسىنىڭ ەكٸمدٸگٸنەن كەلگەن, مۇندا تاپشىلىق (اۆتوبۋستار - ەسك.) جوعارى", - دەدٸ وسپانوۆ.
