قازاقستاندا مٸندەتتٸ ەلەۋمەتتٸك مەديتسينالىق ساقتاندىرۋ (مەمس) جٷيەسٸ ارقىلى جاسالاتىن كەيبٸر كٷردەلٸ وتالاردىڭ قۇنى 25 ملن تەڭگەگە جۋىقتايدى. ەلەۋمەتتٸك مەديتسينالىق ساقتاندىرۋ قورى 2026 جىلدىڭ قاڭتار-تامىز ايلارى ارالىعىندا جاسالعان ەڭ قىمبات 10 وپەراتسييانىڭ تٸزٸمٸن جارييالادى, دەپ حابارلايدى ult.kz Tengrinews.kz-كە سٸلتەمە جاساپ.
قۇنى بويىنشا بٸرٸنشٸ ورىندا ٶكپە ترانسپلانتاتسيياسى تۇر. بٸر ناۋقاسقا جاسالعان مۇنداي وتانىڭ قۇنى 24,8 ملن تەڭگە بولعان. الايدا قور بيۋدجەتٸنە ەڭ كٶپ سالماق تٷسٸرگەن وپەراتسييا – جٷرەك دەفيبريللياتورلارىن ورناتۋ. سەبەبٸ بۇل پروتسەدۋرادان ٶتكەن ناۋقاستار سانى كٶپ.
2026 جىلدىڭ العاشقى سەگٸز ايىنداعى ەڭ قىمبات 10 وپەراتسييا:
- ٶكپە ترانسپلانتاتسيياسى – 24,8 ملن تەڭگە. بٸر وپەراتسييا جاسالعان.
- فەتالدى دٸڭ جاسۋشالارىن ترانسپلانتاتسييالاۋ – 17,9 ملن تەڭگە. 73 جاعداي تٸركەلٸپ, جالپى قۇنى 1,3 ملرد تەڭگە بولعان.
- ميترالدى قاقپاقشانىڭ ساڭىلاۋىن كليپتەۋ – 17,8 ملن تەڭگە. 80 وپەراتسيياعا 1,4 ملرد تەڭگە جۇمسالعان. بۇل – جٷرەك قاقپاقشاسىنداعى قاننىڭ كەرٸ اعۋىن ارنايى مەتالل قىستىرعىش ارقىلى توقتاتاتىن از ينۆازيۆتٸ ەدٸس.
- جٷرەك ترانسپلانتاتسيياسى – 11,3 ملن تەڭگە. تٶرت وپەراتسييا جاسالىپ, جالپى قۇنى 45,1 ملن تەڭگەنٸ قۇراعان.
- قايتىس بولعان دونوردان باۋىر ترانسپلانتاتسيياسى – 10,4 ملن تەڭگە. ٷش وپەراتسيياعا 31,3 ملن تەڭگە جۇمسالعان.
- اۋىر ەپيلەپسييا كەزٸندە كەزبە جٷيكەنٸ ىنتالاندىرۋ – 10,2 ملن تەڭگە. 37 جاعدايعا 376,5 ملن تەڭگە بٶلٸنگەن. بۇل ەدٸستە ناۋقاستىڭ دەنەسٸنە ورناتىلعان قۇرىلعى ميعا ەلەكتر يمپۋلستارىن جٸبەرٸپ, ۇستاما جيٸلٸگٸن ازايتادى.
- تٸرٸ دونوردان باۋىر ترانسپلانتاتسيياسى – 8,8 ملن تەڭگە. 23 وپەراتسييانىڭ جالپى قۇنى 201,6 ملن تەڭگە بولعان.
- بيۆەنتريكۋليارلى دەفيبريللياتور يمپلانتاتسيياسى – 8,7 ملن تەڭگە. 680 وپەراتسيياعا 5,9 ملرد تەڭگە جۇمسالعان. بۇل قۇرىلعى جٷرەك سوعىسىنىڭ دۇرىس ىرعاعىن ساقتاۋعا كٶمەكتەسەدٸ.
- اۆتوماتتى كارديوۆەرتەر-دەفيبريللياتور يمپلانتاتسيياسى – 8,7 ملن تەڭگە. 1 332 وپەراتسييانىڭ جالپى قۇنى 11,6 ملرد تەڭگەنٸ قۇراعان. قۇرىلعى جٷرەك ىرعاعىن باقىلاپ, قاۋٸپتٸ اۋىتقۋ كەزٸندە ەلەكتر يمپۋلسىن بەرەدٸ.
- كارديوۆەرتەر-دەفيبريللياتوردىڭ يمپۋلس گەنەراتورىن اۋىستىرۋ – 8,7 ملن تەڭگە. 38 جاعداي تٸركەلٸپ, جالپى قۇنى 330,8 ملن تەڭگە بولعان.
2025 جىلى جاعداي قالاي بولدى?
2025 جىلدىڭ قورىتىندىسى بويىنشا ەڭ قىمبات وپەراتسييالار رەيتينگٸندە فەتالدى دٸڭ جاسۋشالارىن ترانسپلانتاتسييالاۋ بٸرٸنشٸ ورىندا تۇرعان. بٸر وپەراتسييانىڭ ورتاشا قۇنى 18,3 ملن تەڭگە بولعان. جالپى 132 وپەراتسييا جاسالىپ, وعان 2,4 ملرد تەڭگە جۇمسالعان.
ەكٸنشٸ ورىندا ميترالدى قاقپاقشانىڭ ساڭىلاۋىن كليپتەۋ تۇر. 54 وپەراتسييانىڭ ەرقايسىسى ورتا ەسەپپەن 17,3 ملن تەڭگەگە باعالانعان. ال ٷزدٸك ٷشتٸكتٸ جٷرەك ترانسپلانتاتسيياسى تٷيٸندەگەن. ونىڭ بٸرەۋٸنٸڭ قۇنى 11,2 ملن تەڭگە بولعان.
ەلەۋمەتتٸك مەديتسينالىق ساقتاندىرۋ قورىنىڭ مەلٸمەتٸنشە, جوعارى تەحنولوگييالىق مەديتسينالىق قىزمەتتەردەن بٶلەك, قور قاراجاتىنىڭ باسىم بٶلٸگٸ ستاتسيونارلىق ەمدەۋگە, كونسۋلتاتسييالىق-دياگنوستيكالىق كٶمەككە جەنە اۋىل تۇرعىندارىنا مەديتسينالىق قىزمەت كٶرسەتۋگە جۇمسالادى.
