Qazaqstanda bir adamnyń atyna 51 myń telefon nómirdiń tirkelgeni anyqtaldy, dep habarlaidy "Ult aqparat".
«Bir áieldiń atyna 51 myń nómirdiń tirkelgeni anyqtaldy. Tiisinshe, ol uialy bailanys keńseleriniń birine barady da, sol 51 myń nómirdiń iesi retinde operatorǵa nómirdiń barlyǵyn óshirip, tek bireýin qaldyrǵysy keletini jaily ótinish jazady. Al 51 myń nómirdiń ishindegi birtalaiyn basqa adamdar paidalandy ǵoi. Ol nómirlerdiń barlyǵy da óshedi. 51 myń nómiri bar bolyp shyqqan áiel siiaqty basqa da qazaqstandyqtar bolýy múmkin», - dedi Tsifrlyq damý, innovatsiialar jáne aeroǵarysh ónerkásibi ministrliginiń telekommýnikatsiia komitetiniń tóraǵasy Vitalii Iaroshenko ministrlikte tilshilerdiń suraǵyna bergen jaýabynda.
Vitalii Iaroshenkonyń aitýynsha, nómirdi tirkep, uialy telefonǵa bekitip alýǵa qazaqstandyqtarǵa byltyr jyl boiy ýaqyt berilgen.
«Dál osyndai jappai óshirý osy jyldyń 1 qańtar men sáýir ailarynda boldy. Telefon bailanysy qashan rettelidi degen suraqty operatorlarǵa qoiý kerek. Meniń bilýimshe, bailanys quraldarynda aqaýlyq joq», - dedi ol.
Qazir bailanyssyz qalǵan abonentterge komitet tóraǵasy operatorlarǵa júginýge keńes berdi.
«Dál osy máseleni saýal hat joldadyq. Ázirge jaýap kelgen joq. Jalpy, uialy bailanys operatorlary durys tirkelmegen nómirlerge 2019 jyldyń 1 qańtarynan bastap qyzmet kórsetýdi toqtatýy kerek bolatyn. Álbette, zańnama normalaryn oryndamaǵany úshin olarǵa shara qoldanylady», - dedi ol.
Eske sala ketsek, buǵan deiin Tsifrlyq damý, innovatsiialar jáne aeroǵarysh ónerkásibi ministrliginiń telekommýnikatsiia komitetiniń tóraǵasy Vitalii Iaroshenko uialy bailanys qyzmetiniń úzilý sebebin ataǵan bolatyn.
