قازاقستاندا بٸر ادامنىڭ اتىنا 51 مىڭ تەلەفون نٶمٸردٸڭ تٸركەلگەنٸ انىقتالدى, دەپ حابارلايدى "ۇلت اقپارات".
«بٸر ەيەلدٸڭ اتىنا 51 مىڭ نٶمٸردٸڭ تٸركەلگەنٸ انىقتالدى. تيٸسٸنشە, ول ۇيالى بايلانىس كەڭسەلەرٸنٸڭ بٸرٸنە بارادى دا, سول 51 مىڭ نٶمٸردٸڭ يەسٸ رەتٸندە وپەراتورعا نٶمٸردٸڭ بارلىعىن ٶشٸرٸپ, تەك بٸرەۋٸن قالدىرعىسى كەلەتٸنٸ جايلى ٶتٸنٸش جازادى. ال 51 مىڭ نٶمٸردٸڭ ٸشٸندەگٸ بٸرتالايىن باسقا ادامدار پايدالاندى عوي. ول نٶمٸرلەردٸڭ بارلىعى دا ٶشەدٸ. 51 مىڭ نٶمٸرٸ بار بولىپ شىققان ەيەل سيياقتى باسقا دا قازاقستاندىقتار بولۋى مٷمكٸن», - دەدٸ تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸنٸڭ تەلەكوممۋنيكاتسييا كوميتەتٸنٸڭ تٶراعاسى ۆيتاليي ياروششەنكو مينيسترلٸكتە تٸلشٸلەردٸڭ سۇراعىنا بەرگەن جاۋابىندا.
ۆيتاليي ياروششەنكونىڭ ايتۋىنشا, نٶمٸردٸ تٸركەپ, ۇيالى تەلەفونعا بەكٸتٸپ الۋعا قازاقستاندىقتارعا بىلتىر جىل بويى ۋاقىت بەرٸلگەن.
«دەل وسىنداي جاپپاي ٶشٸرۋ وسى جىلدىڭ 1 قاڭتار مەن سەۋٸر ايلارىندا بولدى. تەلەفون بايلانىسى قاشان رەتتەلٸدٸ دەگەن سۇراقتى وپەراتورلارعا قويۋ كەرەك. مەنٸڭ بٸلۋٸمشە, بايلانىس قۇرالدارىندا اقاۋلىق جوق», - دەدٸ ول.
قازٸر بايلانىسسىز قالعان ابونەنتتەرگە كوميتەت تٶراعاسى وپەراتورلارعا جٷگٸنۋگە كەڭەس بەردٸ.
«دەل وسى مەسەلەنٸ ساۋال حات جولدادىق. ەزٸرگە جاۋاپ كەلگەن جوق. جالپى, ۇيالى بايلانىس وپەراتورلارى دۇرىس تٸركەلمەگەن نٶمٸرلەرگە 2019 جىلدىڭ 1 قاڭتارىنان باستاپ قىزمەت كٶرسەتۋدٸ توقتاتۋى كەرەك بولاتىن. ەلبەتتە, زاڭناما نورمالارىن ورىنداماعانى ٷشٸن ولارعا شارا قولدانىلادى», - دەدٸ ول.
ەسكە سالا كەتسەك, بۇعان دەيٸن تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸنٸڭ تەلەكوممۋنيكاتسييا كوميتەتٸنٸڭ تٶراعاسى ۆيتاليي ياروششەنكو ۇيالى بايلانىس قىزمەتٸنٸڭ ٷزٸلۋ سەبەبٸن اتاعان بولاتىن.
