Foto: liter.kz
Qazaqstandaǵy eń tanymal jerler
Elimizdiń aýmaǵynda ornalasqan týristik jerler óte kóp. Olardyń qatary kún sanap artyp keledi. Degenmen elimizge týrister eń kóp keletin oryndardy atap ótken jón.
Býrabai - Qazaqstannyń Shveitsariiasy dep atalady. Týrister Býrabaidyń tabiǵaty men shipajailary, taýly aimaqta ornalasqan sporttyq oiyn-saýyq ortalyqtaryna qyzyǵyp kóp keledi. Býrabaidyń basty ereksheligi nýly ormandary men kólderinde. «Býrabai» ulttyq parkinde 14 kól, sonyń ishinde Býrabai ózeni ornalasqan. Al týristerdiń eń súiikti jerine ainalǵan “Oqjetpes” jartasy Býrabaidyń eń kórikti jerleriniń biri.
Qaton-Qaraǵai ulttyq saiabaǵy - elimizdiń eń úlken ulttyq saiabaǵy bolýmen qatar tabiǵaty eń tartymdy eldimekenderdiń biri. Basty ereksheligi bul aýmaqta 80 metr biiktikten qulaityn Kókkól men Rahman qainar bulaǵy ornalasqan. Odan bólek Qaton-Qaraǵaida kelýshilerdi tamsandyratyn Iazevoe, Muztaý, Qara Berel jáne Berel qorymdary ornalasqan. Qaton-Qaraǵai ulttyn saiabaǵynyń aýmaǵynda Qazaqstannyń qyzyl kitabyna engen flora men faýnalar kóp kezdesedi. Qazirgi tańda ulttyq saiabaq aýmaǵynda jaiaý, parom, at jáne kólik týrizmi damyǵan.
Foto:stan.kz
Sharyn shatqaly - eń kóne tarihy jáne tylsymǵa toly tabiǵatymen erekshelenedi. Tabiǵi saiabaq Almaty oblysynan kúnshyǵysqa qarai 195 shaqyrymdai alysta ornalasqan. 154 shaqyrymdy alyp jatqan Sharyn shatqaly AQSh tyń Úlken shatqalyna básekeles. Qazirgi tańda bul aýmaqqa kelýshiler sany artqan. Óitkeni, munda mistikaǵa toly qyzyqty jerler men kári aǵashtardyń qaitalanbas beineleri kórgen jandy ózine qaratady.
Qaiyńdy kól - bul elimizdiń aýmaǵynda ornalasqan eń ásem kólderdiń biri. Kúngei Alataýda ornalasqan kóldiń basty ereksheligi sýynyń óte salqyndyǵy. Al, kóldiń ózi osydan júz jyldai buryn jer silkinisi kezinde paida bolypty. Qazirgi tańda bul aimaq týristerdiń kóp kelmeitin jeri bolsa da jaqyn bolashaqta sheteldikterdiń qyzyǵýshylyǵy artatyny sózsiz. Óitkeni, kóldiń tabiǵaty men ornalasqan jeri álemniń kóptegen elinde kezdespeidi.
Merki - Respýblikamyzdyń tabiǵaty ásem jerleriniń biri. Bul jerge týrister tek tabiǵaty úshin emes, emdik qasieti men tarihi eskertkishterin aralaýǵa da kóp keledi.
Elimizdiń tabiǵaty ásem oryndary men ulttyq saiabaqtary týraly aitylǵanda tarihi murasy men eskertkishterin, kieli jerleri men burynǵy zamannyń arhitektýralyq erekshelikterin aitpaý múmkin emes. Qazirgi tańda kóptegen týrister Qazaqstan aýmaǵyna tarihi qundylyqtardy tamashalap, onyń ózindik erekshelikterine kóz jetkizý úshin keledi. Mysaly:
Beket ata jerasty meshitteri - elimizdiń aýmaǵyndaǵy eń kóne jádigerlik nysandarynyń biri. Mańǵystaý týraly aitylǵanda eń áýeli Beket ata jerasty meshitteri kóz aldymyzǵa keledi. Aqbor tasty taý shatqaldarynan oiyp salynǵan meshittiń basty ereksheligi kelgen jandarǵa erekshe energiia silaýynda. Muny kelgen týristerde óz áserlerimen bólisip jetkizýde.
Foto:Zakon.kz
Arystan bab - kesenesi qazirgi tańda týrister eń kóp keletin aýmaqtardyń biri. Túrkistan oblysynda ornalasqan keseneniń ózindik tarihy bar. Týrister bul aýmaqqa jii kelip, ziiarattaidy. Sáýlet óneriniń erekshe jetistigi retinde qaralatyn kesene uly qolbasshy Ámir Temirdiń buiryǵymen salynǵan.
Qoja Ahmet Iasaýi kesenesi - elimizdiń ońtústiginde ornalasqan “Ekinshi Mekke” atalyp ketken tarihi muraǵa elimizdiń ishki týristerimen qatar sheteldik kelýshiler de kóp. Búgingi tańda Qoja Ahmet Iassaýi kesenesi Ortalyq Aziiadyǵy ulttar úshin eń kieli jer bolyp sanalady.
Foto: kazgazeta.kz
Búgingi tańda Qazaqstanda siti týrizmi de basty nazarda bul turǵydan Almaty men Astana kósh bastap tur. Kelýshiler Elorda men megapolis Almatynyń infraqurylymyna qyzyǵýshylyq tanytýda. Bul týraly IUTH Ýniversiteti, “Týrizm” mektebiniń aǵa oqytýshysy Nurjan Ábdirazaqov ULT.KZ tilshisine bergen suhbatynda aitqan edi.
«Qazaqstanǵa týrister ásem tabiǵaty men infraqurylymnyń durys júielengeni, záýlim ǵimarattardyń arhitektýrasyndaǵy minsiz jobalary men tarihi kesenelerdiń qazirgi kúnge deiin saqtalǵanyna qyzyǵyp, tamashalaý úshin keledi. Odan bólek týristik sala el ekonomikasyna, qosymsha jumys oryndarynyń ashylýy men elimizdiń azamattarynyń ál-aýqatynyń jaqsarýyna da edaýir oń áserin beredi», -deidi maman.
Aita keteiik, byltyr Qazaqstandaǵy týrizmdi damytýdyń 2023 - 2029 jyldarǵa arnalǵan baǵdarlamasy qabyldanǵan. Ol baǵdarlama boiynsha 2029 jyly kelesi nátijelerge qol jetkizý kútilýde: Ishki týrister sanyn 11 mln adamǵa deiin, al kelýshi týrister sanyn 4 mln adamǵa deiin ulǵaitý, sondai-aq qonaq úilerdi "eQonaq" aqparattyq júiesimen qamtýdy 100 % - ǵa deiin al saiahat jáne týrizmdi damytýdyń jahandyq indeksi boiynsha DEF reitinginde 50 orynǵa jetý kózdelgen.
Al álemde pandemiiaǵa deiin týrizm álemdik jiyntyq ónimniń shamamen 10%-yn, qyzmetterdiń álemdik eksportynyń 30%-yn, álemdik investitsiialardyń 7%-yn, jumys oryndarynyń 10%-yn jáne barlyq salyq túsimderiniń 5%-yn qurady.
