Qaraǵandy qalasynda aýladan moped urlady degen kúdikpen 18 jastaǵy jigit ustaldy. Keltirilgen shyǵyn kólemi 250 myń teńge bolǵan, dep habarlaidy ult.kz.
Oqiǵa boiynsha Qazybek bi aýdandyq politsiia basqarmasy 20 jastaǵy turǵynnan aryz qabyldaǵan. Onyń aitýynsha, kúndelikti úi aýlasynda turatyn mopedi belgisiz jaǵdaida joǵalyp ketken.
Jedel-izdestirý sharalary barysynda politsiia kúdiktini anyqtap, qolǵa túsirdi.
Tergeý málimetinshe, jigit túngi ýaqytta úiine qaityp bara jatyp, aýlalardyń birinde turǵan mopedti baiqap qalǵan. Alǵashynda ony basqa jerge aparyp qoiýdy oilaǵanymen, keiin birneshe áreketten soń qozǵaltqyshyn otaldyryp, kólikti aidap ketken.
Kúdikti kinásin tolyq moiyndaǵan.
Qazirgi ýaqytta urlanǵan moped iesine qaitarylyp, sotqa deiingi tergeý amaldary júrgizilip jatyr.
