Mańǵystaý oblysynda bolǵan qaiǵyly oqiǵadan aman qalǵan 19 jastaǵy Beket Qýandyqtyń anasy ulynyń qazirgi jaǵdaiy týraly aityp berdi. Qarlyǵash Myrzaǵalievanyń sózinshe, sarbaz aýrýhanaǵa jatqyzylmaǵan, qazir ózin jaqsy sezinip júr, dep habarlaidy ult.kz.
Buǵan deiin Bekettiń aýrýhanaǵa jetkizilgeni týraly aqparat taraǵan. Alaida oqiǵadan keiingi alǵashqy saǵattarda naqty málimet az bolǵandyqtan, onyń týystary da sarbaz aýrýhanaǵa tústi dep oilaǵan. Otbasy Aqtaýǵa kelgen soń ǵana Bekettiń aýrýhanaǵa jatpaǵanyn bilgen.
«Qudaiǵa shúkir, ulym tiri. Aman-esen, óz aiaǵymen júr», – dedi sarbazdyń anasy.
Onyń aitýynsha, Beket jaǵaǵa óz kúshimen jetken.
Beket Qýandyq – Atyraý oblysy Mahambet aýylynyń týmasy. Ol 2025 jylǵy 3 qazanda merzimdi áskeri qyzmetke shaqyrylyp, Aqtaýdaǵy №29011 áskeri bóliminde boryshyn ótegen.
Sarbazdyń anasy qaza tapqan áskeri qyzmetshilerdiń jaqyndaryna kóńil aitty.
«Búkil Qazaqstan úshin bul – óte aýyr qasiret. Qazir ata-analardyń ne sezinip otyrǵanyn sózben jetkizý múmkin emes», – dedi Qarlyǵash Myrzaǵalieva.
Aita keteiik, buǵan deiin Kaspii teńizindegi áskeri oqý-jattyǵý kezinde aman qalǵan sarbaz Temirhan Aqjol Timýrulynyń videosy taraǵan edi. Aman qalǵan sarbaz ákesine dál osy jattyǵýǵa 2-3 kún daiyndalǵanyn aitqan. Ózi jaǵaǵa júzip shyǵypty. Keiin dostaryn izdegen. Biraq jarty saǵattan soń basy ainalyp qulapty.
