- 9 jasar Meiirgúldiń Ishki ister ministri Qalmuhanbet Qasymovqa jazǵan ótinishi oryndaldy. Ol jaqyn kúnderi ata-anasymen qaýyshatyn boldy, dep habarlaidy Ult.kz tilshisi QazAqparat agenttigine silteme jasap.
Bul týraly «Nur Otan» partiiasynyń Respýblikalyq qoǵamdyq qabyldaý bóliminiń keńesshisi Aýyt Muqibekuly málim etti.
«Ishki ister ministri Meiirgúldiń ótinishi boiynsha, QR Syrtqy ister ministrliginiń Konsýldyq departamentine hat jazyp, Úrimjidegi konsýldyqtan Samet Ularbek pen Tursyn Oralhanǵa elimizge kirý vizasyn berýdi surapty. Keshe 22 jeltoqsanda «Nur Otan» partiiasynyń qoǵamdyq qabyldaý bólmesine Úrimjidegi Meiirgúldiń anasynan telefon arqyly qýanyshty habar keldi. Olar elimiz konsýldyǵynan Qazaqstanǵa kelý vizasyn alypty. Endi sanaýly kúnderden soń, Almatyda qalǵan qyzymen aman-esen qaýyshady. Qandasymyz "Nur Otan" partiiasyna alǵysyn jaýdyryp jatyr», - deidi Aýyt Muqibekuly.
Esterińizge sala keteiik, «Nur Otan» partiiasynda qoǵamdyq qabyldaý ótkizgen elimizdiń Ishki ister ministri Qalmuhanbet Qasymovqa 9 jasar Meiirgúl ótinishpen kelgen bolatyn. Onyń ata-anasy elimizdiń kóshi-qon zańnamasyn buzǵany úshin Qazaqstannan shyǵarylǵan edi. Al Meiirgúl búginde Almatyda týystarynyń qolynda qalǵan. 2016 jylǵy 7 jeltoqsanda «Nur Otan» partiiasynyń respýblikalyq qoǵamdyq qabyldaý bólmesinde Ishki ister ministri Q.Qasymovpen ótken qabyldaýda Meiirgúl Ularbekqyzy Almatydan kelip, ministrdiń qabyldaýynda boldy. Ótinishin aityp, ata-anasynyń tezirek Qazaqstanǵa oralýyna raqymshylyq jasaýyn suraǵan edi.
.jpeg)