16 qazanda Qazaqstannyń basym bóliginde jaýyn-shashynsyz aýa raiy kútiledi. Alaida eldiń batysy men soltústiginde jańbyr jaýyp, shyǵysynda qar túsip, kóktaiǵaq bolýy múmkin, dep habarlaidy ult.kz.
Astanada kún ala bultty, jaýyn-shashynsyz bolady. Túnde aýa temperatýrasy 6–8 gradýs aiazǵa deiin tómendep, kúndiz 10–12 gradýs jyly bolady. Túnde baǵyty aýyspaly jel 1–6 m/s, kúndiz ońtústik-batystan 7–12 m/s jyldamdyqpen soǵady.
Almatyda kún ala bultty, jaýyn-shashynsyz bolady. Soltústik-shyǵystan soǵatyn jeldiń jyldamdyǵy 3–8 m/s. Aýa temperatýrasy túnde 1–3, kúndiz 11–13 gradýs jyly bolady.
Shymkentte jaýyn-shashyn kútilmeidi. Soltústik-shyǵystan jel 8–13 m/s jyldamdyqpen soǵyp, ekpini 15–20 m/s-qa jetedi. Túnde 8–10, kúndiz 22–24 gradýs jyly bolady.
Shyǵys Qazaqstan oblysynda túnde jáne tańerteń óńirdiń ońtústigi men shyǵysynda jaýyn-shashyn túsip, negizinen qar jaýady. Kóktaiǵaq kútiledi.
Almaty oblysynda, sondai-aq Jetisý oblysynyń soltústigi men ortalyǵynda túnde 1–6 gradýsqa deiin úsik júrýi múmkin.
Jambyl oblysynyń taýly aýdandarynda túnde jáne tańerteń tuman túsedi. Óńirdiń ońtústik-batysynda, soltústik-shyǵysynda jáne taýly aýdandarynda soltústik-shyǵystan jel 15–20 m/s jyldamdyqpen soǵyp, ekpini 23–28 m/s-qa jetedi.
