- Astana qalasynyń ákimi Áset Isekeshev elordanyń temirjol vokzalynyń mańyndaǵy jaǵdaidy tekserdi, dep habarlaidy "Ult aqparat".
Temirjol vokzaly men «Saparjai» basshylary ákimge málim etkendei, vokzal mańyndaǵy aqyly avtoturaq júiesi áýejai mańyndaǵy atvoturaq siiaqty jumys isteidi. Bul jerde de bastapqy 20 minýty tegin bolsa, keiin ár saǵaty úshi 200 teńge alynady. Tegin oryndar akkreditatsiiadan ótken taksi júrgizýshilerine ǵana beriledi.
Al, «Saparjai» avtovokzalymen yntymaqtastyqqa kelmegen taksi júrgizýshilerine tegin oryndar berilmeidi. Bul taksi júrgizýshileri kóbine Astana-Pavlodar, Astana -Qaraǵandy, Astana-Kókshetaý baǵyttarynda jolaýshy tasymaldap keledi. Eger olar akkreditatsiiadan ótpese, basqa avtokólik ieleri siiaqty aqsha tóleitin bolady.
Sondai-aq, qala basshysy Áset Isekeshev múgedekterge arnalǵan oryndardy daiyndaýdy tapsyrdy.
«Bul jerdi retke keltirý úshin qansha ýaqyt kerek?» degen ákimniń suraǵyna jaýapty adamdar 10 qańtarǵa deiin jolaýshylar legi kóp bolatynyn, sondyqtan, ózgeristerdi merekelerden keiin engizý kerektigin aitty. Biraq, halyqqa túsindirý jumystary qazirden bastalady.
«10 qańtarǵa deiin parking de, múgedekterge arnalǵan oryn da, taksiler de retteletin bolsyn,-dep tapsyrdy qala basshysy.
Aita keteiik, Astana turǵyndary men qonaqtary temirjol vokzalynyń mańynda kelip-ketýshiler úshin kólik qoiatyn oryn joq ekenin jáne vokzaldan shyqqan kezde, taksiler jol bermeitinin aityp, ákimge shaǵym túsirgen bolatyn.
.jpeg)